Aliment toʻlovidan qarzi boʻlgan va ishga muhtoj fuqarolarni ishga joylashtirish maqsadida mehnat yarmarkasi tashkil etildi

Majburiy ijro byurosining Amudaryo tumani boʻlimi tomonidan aliment undirish bilan bogʻliq ijro hujjatlari boʻyicha mutasaddi idoralar bilan hamkorlikda alimentdan qarzi boʻlgan va ishga muhtoj fuqarolarni ishga joylashtirish maqsadida mehnat yarmarkalari tashkil etilib borilmoqda.

Majburiy ijro byurosi Amudaryo tuman boʻlimida jami 1008 nafar voyaga yetmagan farzandlar taʼminoti uchun aliment undirish bilan bogʻliq ijro hujjati mavjud boʻlib, shundan 394 nafar qarzdor Oʻzbekiston Respublikasidagi oʻrtacha oylik ish haqi miqdoridan aliment pullarini toʻlab kelmoqda.

Shuningdek, 614 nafar qarzdorning aliment pullari Oʻzbekiston Respublikasi “Sud hujjatlari va boshqa organlar hujjatlarini ijro etish toʻgʻrisida”gi Qonunning 64-moddasiga muvofiq ish haqilaridan undirib kelinmoqda.

 Ushbu qarzdor aliment toʻlovchi va boshqa qazdor fuqarolarni ish bilan taʼminlash maqsadida tuman prokuraturasi, tuman majburiy ijro byurosi va tuman Bandlikka koʻmaklash markazi bilan hamkorlikda 24-mart kuni boʻsh ish oʻrinlari yarmarkasi tashkil etildi.

Boʻlib oʻtgan yarmarkada jami 8 nafar qarzdor ish bilan taʼminlandi.

Undan tashkari, boʻlim ish yurituvida soliq undiruviga, maʼmuriy jarimalar, bank foydasiga, kommunal tashkilotlar foydasiga, fuqarolar foydasiga undirish boʻyicha ijro hujjatlar qarzdor fuqarolar ham qarzdorliklarni ish haki xisobidan toʻlash maqsadida yarmarkada ishtirok etdilar.

Taʼkidlash kerakki, “Oʻzbekiston Respublikasi Prezidentining Sud hujjatlari va boshqa organlar hujjatlarini ijro etish tizimini yanada takomillashtirish chora-tadbirlari toʻgʻrisidagi” Farmoniga muvofiq, 2021-yil 1-martdan boshlab ijro hujjatlari boʻyicha aliment majburiyatlarini bajarish qarzdorlar tomonidan aliment majburiyatlarini ijro etish va nazorat qilishning yagona tizimi orqali amalga oshirish koʻzda tutilgan. Aliment majburiyatlari boʻyicha alohida hisob va raqami aliment toʻlovchilar nomiga bank kartalari ochilishini tashkil etish hamda aliment majburiyatlarini bajarishning yangi tartibini joriy yetish choralari koʻrildi.

Oʻzbekistan Respublikasidan chiqishiga taqiq qoʻyilganligi va ularni qidirish yuzasidan barcha zaruriy choralar koʻrilgan.

 Shuningdek, Majburiy ijro byurosining Amudaryo tumani boʻlimi tomonidan qonunchilikda belgilangan muddat mobaynida qarzdorliklarni toʻliq toʻlamaganlarga nisbatan mol mulklari xatlanib, realizatsiya qilish ishlari olib borilayotganligi va qarzdorlarni boʻsh ish oʻrinlarga joylashtirish chora-tadbirlari, mehnat yarmarkalarini tashkillashtirish va ajrashgan oilalarni yarashtirish choralari qatiyatlilik bilan hal etilib kelinmoqda.

K.Madaminov, MIB Amudaryo tuman boʻlimi davlat ijrochisi, 2-darajali yurist