ГРАНТ ЛОЙИҲАСИ ДОИРАСИДА ТАДБИР ЎТКАЗИЛДИ
Туманимизнинг ижтимоий - сиёсий ва оммабоп нашри “Тараққиёт кўзгуси” газетасининг иловаси “Менинг оилам” газетаси таҳририяти Ўзбекистон Республикаси Олий Мажлиси ҳузуридаги Нодавлат нотижорат ташкилотларни ва фуқаролик жамиятининг бошқа институтларини қўллаб-қувватлаш жамоат фонди эълон қилган грант танловида “Ногиронлиги бўлган ёшлар орасида “Беш ташаббус” тамойилларини кенг жорий этиш, уларни ижтимоий-маънавий юксалтириш” йўналишида “Беш муҳим ташаббус – ёшларга қанот” номли лойиҳаси билан билан қатнашиб, ғолиб бўлган эди.
Қарийб олти ойдан бери ушбу лойиҳа таҳририят ходимлари томонидан муваффақиятли амалга ошириб келинаяпти. Лойиҳа доирасида умумий ўрта таълим муассасаларида, овул ва маҳаллаларда ногиронлиги бўлган ёшлар иштирокида турли тадбирлар, учрашувлар, танловлар ўтказилиб, улар “Беш муҳим ташаббус” доирасидаги тадбирларга кенг жалб қилинмоқда. Лойиҳа доирасида иқтидорли, имконияти чекланган ёшлар иштирокида мусиқа, санъат, китобхонлик, ахборот технологиялари, спорт турлари бўйича мусобақалар ўтказилмоқда. Шунингдек, тадбиркорлик билан шуғулланиб, даромад топаётган ёшларнинг тажрибалари кенг ёритилмоқда.
14 апрель куни 36-сонли мактабда грант лойиҳаси режасига мувофиқ ушбу ҳудудда яшовчи имконияти чекланган ёшлар учун “Компьютер технологиялари ва интернетдан самарали фойдаланиш” мавзусида очиқ дарс ташкил этилди.
Тадбирда лойиҳа ижрочиларидан “Менинг оилам” газетасининг махсус мухбирлари Ойгул Ражабова, Озода Худойбергановалар иштирок этди.
Ўқувчиларга дастлаб Ойгул Ражабова бугунги кунда ҳаётимизда замонавий ахборот коммуникацион технологияларининг ўрни, аҳамияти ва ундан самарали фойдаланиш юзасидан тушунтириш бериб ўтди. Ўқувчилар билан мавзу доирасида дўстона суҳбат, савол-жавоблар ҳам ўрин олди.
Шундан сўнг мактабнинг тажрибали информатика фани ўқитувчиси Санжарбек Тўхтабоев ёшларда замонавий ахборот технологияларидан фойдаланиш кўникмаларини шакллантириш юзасидан дарс ўтди ва дарси сўнгида компьютердан фойдаланган ҳолда тезкор тест саволларини ечиш мусобақасини ташкил этди.
Ғолиблар ҳар бир саволда ўзгариб, бу ҳақдаги маълумотлар мониторда намоён бўлиши дарс иштирокчилари учун жуда ҳаяжонли бўлди. Ўйин ўқувчиларда улкан қизиқиш уйғотди.
Шуни алоҳида таъкидлаш жоизки, имконияти чекланганлар орасида иқтидорли, ўқиб-ўрганишга чанқоқ ёшлар кўп. Улардаги адабиёт, санъат, спорт, китобхонлик, ахборот технологиялари, касбий фаолият соҳасидаги қизиқиш ва қобилиятларни юзага чиқаришда грант лойиҳаси доирасида амалга оширилаётган тадбирлар муҳим аҳамият касб этмоқда.
Равшанбек БАҲРОМОВ.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
