ҲУҚУҚБУЗАРЛИКЛАР ПРОФИЛАКТИКАСИНИ АМАЛГА ОШИРУВЧИ ОРГАНЛАР ВА МУАССАСАЛАРНИНГ ҲАМКОРЛИГИ
“Ҳуқуқбузарликлар профилактикаси тўғрисида”ги Ўзбекистон Республикаси Қонунида Ички ишлар органларининг ҳуқуқбузарликлар профилактикасини бевосита амалга оширувчи органлар ва муассасалар билан ҳамкорлик қилиши кўрсатиб ўтилган.
Унга кўра, ҳуқуқ-тартиботни сақлаш ҳамда мустаҳкамлаш, ҳуқуқбузарликларни аниқлаш, уларга барҳам бериш, ҳуқуқбузарлик сабаблари ва уларга имкон бераётган шарт-шароитларни аниқлаш, жамоат тартибини сақлаш, фуқароларнинг ҳуқуқ ва эркинликларини, қонуний манфаатларини ишончли ҳимоя қилиш ва қонунда кўрсатилган бошқа вазифаларни амалга ошириш талаб этилади.
Бундан ташқари, жамоат хавфсизлигини таъминлаш, ҳуқуқбузарликларнинг олдини олиш ва жиноятчиликка қарши курашишнинг яхлит тизимини шакллантириб, ички ишлар органларининг энг қуйи бўғинидан республика даражасигача самарали фаолияти йўлга қўйилмоқда. Замонавий иш услубларини жорий этиш орқали мамлакатимизда ҳуқуқ-тартибот ва қонунийликни мустаҳкамлаш, аҳолининг тинчлиги ва осойишталигини таъминлаш мақсадида ички ишлар органлари ходимларининг замонавий қиёфасини яратиш, уларнинг масъулияти ва касбий салоҳиятини ошириш, жиноятчиликнинг барча кўринишларига қарши курашиш учун зарур кўникмаларни шакллантириш ҳамда соҳани тўлиқ рақамлаштиришга жуда катта эътибор қаратилмоқда.
Профилактика инспекторининг маъмурий ҳуқуқбузарлик тўғрисидаги ишларни кўриб чиқиш фаолиятида ташкилий-тактик, методик, кадрлар билан ва моддий-техник жиҳатдан таъминланиш борасидаги муаммоларни ҳал этиш мақсадида амалга оширилаётган ислоҳотлар, албатта, профилактика инспекторининг маъмурий жавобгарликни таъминлаш соҳасида ижобий самараларга эришишига хизмат қилади.
Равшанбек ЭГАМБЕРГАНОВ, ИИВ Академияси 308-гуруҳ курсанти.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
