“Маҳалла посбонлари” учун семинар

Якунига етаётган ҳафтада "Маҳалла” хайрия жамоат фонди туман бўлинмаси томонидан жойларда бўлинма фаолиятига тааллуқли масалалар юзасидан қатор семинарлар ташкил қилинди.

Семинарлар Амударё Маиший хизмат кўрсатиш касб-хунар коллежи, 21-сонли мусиқа мактаби, Чордара маҳалласи биноси ва Амударё Транспорт касб-хунар коллежида тегишли ҳудудлардаги "Маҳалла посбони” жамоатчилик тузилмаси раҳбарлари, тузилма аъзолари, кўча бошчилари иштирокида ташкил қилинди.

Семинарларда "Ўзбекистон Республикаси Ички ишлар вазирлигининг "2014 йилда маҳаллаларда ижтимоий-маънавий муҳит барқарорлигини таъминлаш, ҳуқуқбузарликнинг олдини олиш борасида амалга оширилган ишлар хамда йўл қўйилган камчиликлар тўғрисидаги маълумотномаси” хусусида”ги, "Фуқароларнинг ўзини ўзи бошқариш органлари ва милиция таянч пункти профилактика инспекторларининг худудда ижтимоий-маънавия муҳит барқарорлигини таъминлаш хамда жамоатчилик назоратини кучайтириш бўйича амалга ошириладиган вазифалари юзасидан чора-тадбирлар режаси хақида”ги ҳамда Ўзбекистон Республикасининг "Одам савдосига қарши курашиш тўғрисида”ги Қонуни, Ўзбекистон Республикаси Президентининг 2008 йил 8 июлдаги "Одам савдосига қарши курашиш самарадорлигини ошириш чора-тадбирлари тўғрисида”ги қарори бўйича амалга оширилиши лозим бўлган ишлар ҳамда диний экстремизмнинг олдини олиш тўғрисида”ги масалалар муҳокама қилинди.

Таъкидлаш керакки, истиқлол йилларида маҳалланинг ташкилий-ҳуқуқий асослари мустаҳкамланиб, унинг ваколатлари янада кенгайтирилди. Бугун оилаларда ижтимоий-маънавий муҳитни соғломлаштириш, аҳоли, айниқса, ёшларнинг маънавий дунёқарашини юксалтириш — долзарб вазифа. Шу маънода, ўтган давр мобайнида «Маҳалла» хайрия жамоат фонди томонидан маҳаллаларда ижтимоий-маънавий муҳитни барқарорлаштириш бўйича фуқаролар йиғинларига кўмаклашиш мақсадида бир қатор ишлар амалга оширилди. Бугунги кунда маҳаллаларда ижтимоий-маънавий муҳитни яратиш ва соғломлаштириш, маънавий муҳит барқарорлигини таъминлаш, қадриятларимизни тарғиб қилиш орқали оилани мустаҳкамлаш, баркамол авлодни вояга етказиш, ёрдамга муҳтож оилаларни ижтимоий қўллаб-қувватлаш борасидаги тегишли ташкилотлар ҳамкорлигида амалга оширилаётган чора тадбирлар кўлами кенгайиб бормоқда.

Семинарда шунингдек ноқонуний йўллар билан хорижга ишлаш учун кетаётган фуқароларга юртимизда яратилган қулай ишбилармонлик муҳити, тадбиркорлик фаолияти билан шуғулланиш истагидаги фуқаролар учун мавжуд имтиёзлар ҳақида атрофлича маълумотлар бериш зарурлиги айтиб ўтилди.

Семинар якунида ҳудудларда ижтимоий-маънавий муҳит барқарорлигини таъминлаш борасида давлат ва жамоат ташкилотлари, хусусан, фуқаролар йиғинлари билан профилактика нозирлари ҳамкорлигини янада мустаҳкамлаш, бу борадаги ишлар самарадорлигини оширишда жамоатчилик назоратини кучайтириш бўйича аниқ таклифлар ўртага ташланиб, чора-тадбирлар белгилаб олинди.

(Фото - http://smolensk.myatom.ru)