“MY.GOV.UZ” ТИЗИМИ ҚУЛАЙ ВА ТЕЗКОР

Ўзбекистон Республикаси Ягона интерактив давлат хизматлари портали Интернет тармоғида Ўзбекистон Республикасининг Ҳукумат портали доирасида, шу жумладан, «бир дарча» тамойилида фаолият кўрсатади. Ягона портал орқали интерактив давлат хизматларини кўрсатиш  Ўзбекистон Республикаси Вазирлар Маҳкамасининг 2017 йил 15 сентябрдаги "Ўзбекистон Республикаси ягона интерактив давлат хизматлари портали орқали электрон давлат хизматлари кўрсатиш тартибини такомиллаштириш чора-тадбирлари тўғрисида"ги қарорида келтирилган Ўзбекистон Республикаси Ягона интерактив давлат хизматлари портали тўғрисидаги низомга мувофиқ рўйхатдан ўтиш ва авторизация қилиш жараёнларидан ўтган фойдаланувчилар учун амалга оширилади.

Ушбу низомда Ягона портал мақсад ва вазифалари кўрсатилган. Ягона портал давлат органлари томонидан кўрсатиладиган, шу жумладан пулли асосда кўрсатиладиган интерактив давлат хизматларидан эркин фойдаланишнинг ягона нуқтаси ҳисобланади.

Фойдаланувчиларга давлат органларига тўғридан-тўғри мурожаат қилиш учун имконият бериш Ягона порталнинг асосий вазифаларидан бири ҳисобланади. Шунингдек, фойдаланувчиларни ахборот-коммуникация технологиялари соҳасидаги бошқа лойиҳалар билан интеграциялаш, фойдаланувчиларнинг давлат органлари билан ўзаро ҳамкорлиги самарадорлигини ошириш каби вазифалар ҳам амалга оширилади. Давлат органларига мурожаат қилинганда фойдаланувчилар учун бюрократик тўсиқларни қисқартириш ва уларни бартараф этиш, «Электрон ҳукумат» тизимини янада ривожлантириш ва давлат бошқарувига замонавий ахборот технологияларини жорий этишда кўмаклашиш кабилар ушбу портал вазифаларига киради.

Ягона портал замонавий ахборот технологияларидан фойдаланиш асосида интерактив давлат хизматлари олишда фойдаланувчиларнинг шарт-шароитларини ривожлантириш ва имкониятларини кенгайтириш учун мўлжалланган.

Ягона портал орқали интерактив давлат хизматларидан фойдаланилади. Ягона портал, фойдаланувчиларга давлат органлари томонидан кўрсатиладиган бир томонлама, икки томонлама ва транзакцион шаклдаги интерактив давлат хизматларидан фойдаланиш имкониятини беради. Интерактив давлат хизматлари Йиғма реестри 2013-2020 йилларда Ўзбекистон Республикасининг Миллий ахборот-коммуникация технологияларини ривожлантириш комплекс дастурини амалга оширишни мувофиқлаштириш бўйича Республика комиссияси томонидан тасдиқланади.

Йиғма реестрга киритилган интерактив давлат хизматлари мажбурий тартибда Ягона портал орқали берилиши керак. Ягона интерактив давлат хизматлари портал орқали 424 та давлат хизматлари жорий қилинди.

Ягона интерактив давлат хизматлари портали орқали жисмоний ва юридик шахслар давлат хизматларидан фойдаланишса давлат хизмати кўрсатилиши учун йиғим суммасининг 90 фоизи ундирилади. Шунингдек, фуқаролар Давлат хизматлари марказлари орқали кўрсатилмайдиган давлат хизматларидан Ягона интерактив давлат хизматлари портал орқали фойдаланишлари ва ўзларига зарур бўлган тизимга киритилган маълумотномаларни ҳам олишлари мумкин.

Умида Сапарбоева, туман Давлат хизматлари маркази бўлим бошлиғи.