МТТЛАРДА СОҒЛОМ ОВҚАТЛАНТИРИШНИ ТАШКИЛ ЭТИШ БЎЙИЧА СЕМИНАР ЎТКАЗИЛДИ
МТТларда тарбияланувчиларнинг соғлом овқатланишини ташкил этиш учун ягона мавсумий таомномаларни амалда қўллаш бўйича семинар бўлиб ўтди.
9-сонли мусиқа мактабида бўлиб ўтган семинар йиғилишида Қорақалпоғистон Республикаси Мактабгача ва мактаб таълими вазирлигининг МТТларда овқатлантиришни ташкил этиш секторидан Н.Қурбонова, туман ММТБ бошлиғи С.Садикова, давлат МТТлар директорлари, ҳамширалари, ошпазлари ва хўжалик ишлари мудирлари қатнашишди.
Йиғилишни туман ММТБ бошлиғи С.Садикова кириш сўзи билан очиб, йиғилганларни кун тартибидаги масалалар билан таништириб ўтди ва сўзни Қорақалпоғистон Республикаси Мактабгача ва мактаб таълими вазирлигининг МТТларда овқатлантиришни ташкил этиш сектори Н. Қурбановага берди.
У Ўзбекистон Республикаси Вазирлар Маҳкамасининг 2023 йил 23 мартдаги “Мактабгача таълим соҳасини янада ривожлантириш ҳамда истиқболдаги устувор вазифалар” бўйича ўтказилган йиғилишнинг 47-сон баёнида белгиланган топшириқлар ижросини таъминлаш ҳамда Ўзбекистон Республикаси Бош давлат санитария врачининг 2021 йил 17 июлидаги қарори билан тасдиқланган “Ўзбекистон Республикаси Мактабгача таълим ташкилотларида тарбияланаётган болаларни хавфсиз ва сифатли овқатланишини ташкил этилишига оид гигиеник талаблар”ини бажариш бўйича олиб борилаётган ишлар тўғрисида тўхталди. Шунингдек, МТТларда тарбияланувчиларни хавфсиз ва соғлом овқатлантиришни ташкил этишни такомиллаштириш,болаларни жисмоний ҳамда руҳий, ақлий жиҳатдан етук ривожланиши учун овқатланишни тўғри ташкил этиш катта аҳамиятга эгалигини айтиб ўтди.
Семинарда МТТларда соғлом таомнома шакллантирилишида кунлик рационда болаларнинг асосий озиқ-овқат моддаларга бўлган эҳтиёжи ва ёшига мос энергия қуввати билан тўлиқ таъминланиши, уларнинг тарбияланиш шароити ва соғлиги, шунингдек, овқатланишнинг иқлимдан келиб чиқиб ва миллий хусусиятлари ҳисобга олиниши кераклиги алоҳида таъкидланди. МТТларда биринчи ўринда мутахассис ошпазларни тўғри танлай олиш лозимлиги, ҳозирги кунда айрим МТТларда бракераж дафтарларини эътиборсизлик билан юритилиши ёки таомларни тайёрлаш технологиясига умуман амал қилмасликлари, ошхоналарда технологик карталарнинг мавжуд эмаслиги ҳам тилга олиб ўтилди. Бу борадаги камчиликларни бартараф этиш бўйича қатъий топшириқлар берилди.
Музокараларга бой ўтган семинар давомида иштирокчилар масъуллардан ўзларини қизиқтирган саволларга жавоблар олишди.
С.Патуллаева, туман ММТБнинг соғлом овқатлантиришни ташкил этиш бўйича мутахассиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
