“КОРРУПЦИЯГА ҚАРШИ КУРАШИШ ВА ЖИНОЯТЧИЛИКНИНГ ОЛДИНИ ОЛИШ” МАВЗУСИДА СЕМИНАР ЎТКАЗИЛДИ
Бугунги кунда мамлакатимизда жамият ривожига салбий таъсир кўрсатувчи иллатлардан бири бўлган коррупцияга қарши курашиш долзарб масалага айланди. Бу бўйича қатор қонун ҳужжатлари, ҳукумат қарорлари ва Президент Фармонлари қабул қилиниб, шу асосда амалий ишлар, тушунтириш-тарғибот тадбирлари йўлга қўйилган.
Жорий йилнинг 4 июль куни туман Тиббиёт бирлашмаси ходимлари иштирокида “Коррупцияга қарши курашиш ва жиноятчиликнинг олдини олиш” мавзусида семинар ўтказилди. Ушбу семинарда Фуқаролик ишлари бўйича туман суди раиси Қайрулла Атамурадов, туман Адлия бўлими ва бўлимнинг Юридик хизмат кўрсатиш маркази масъуллари иштирок этишди. Семинарда ҳуқуқшунослар Ўзбекистон Республикасининг Конституцияси, “Коррупцияга қарши курашиш тўғрисида”ги қонуни, Жиноят кодекси, Маъмурий жавобгарлик тўғрисидаги кодекс ҳамда Меҳнат кодекси, шунингдек, Президентимизнинг 2023 йил 28 июлдаги “Қорақалпоғистон Республикаси аҳолисини ижтимоий қўллаб-қувватлаш ҳамда жисмоний шахслар томонидан қурилган уй-жойларга бўлган ҳуқуқларни эътироф этиш тўғрисида”ги Фармонининг мазмун-моҳияти тўғрисида сўз юритдилар. Шунингдек, мамлакатимизда коррупциянинг олдини олиш ва унга қарши курашиш, давлат ва жамият қурилишининг барча соҳаларида коррупциоген омилларга чек қўйишга қаратилган кенг кўламли ислоҳотлар ва уларнинг самараси хусусида батафсил маълумот беришди.
Семинар мобайнида коррупцияни юзага келтирувчи ҳолатлар, уларнинг олдини олиш бўйича олиб борилаётган чора-тадбирлар, коррупция ҳолати натижасида юзага келган жиноятлар оқибати, ушбу ҳолатлар учун белгиланган жазо ва чоралар тўғрисида ҳам атрофлича сўз юритилди.
Семинарда иштирокчилар томонидан берилган саволларга ҳам ҳуқуқий тушунтиришлар берилди.
Н.Жуманиёзова, туман Адлия бўлими бош маслаҳатчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
