ҲУДУДИЙ ПРОФИЛАКТИКА ИНСПЕКТОРЛАРИНИНГ ХИЗМАТ ХОНАЛАРИ УЧУН ЯНГИ ЖИҲОЗЛАР ТЎПЛАМИ ТОПШИРИЛДИ
Ҳудудларга биркитилган профилактика инспекторлари жамоат тартибини сақлаш, фуқаролар хавфсизлигини таъминлаш, ҳуқуқбузарликларнинг барвақт олдини олиш ҳамда жиноятчиликка қарши курашиш, жисмоний ва юридик шахсларнинг мурожаатларини ўз вақтида, самарали ҳал этиш борасида доимо ўз постларида собит туриб хизмат қилмоқдалар. Айнан уларнинг фидойи саъй-ҳаракатлари туфайли Амударё туманидаги овул ва маҳаллаларда жиноятчилик ва ҳуқуқбузарлик ҳолатларининг барвақт олди олиниб, аҳоли, айниқса, ёшлар ўртасида бу борадаги тушунтириш-тарғибот ишлари самарали олиб борилмоқда.
Қайси касб эгаси бўлишидан қатъий назар, ходимнинг иш шароити яхши бўлмаса, иш хонаси ўз фаолиятини кўнгилдагидай юритиши учун зарур жиҳозлар билан таъминланмаса, ишда ноқулайлик туғдириши табиий. Шу боис, Ўзбекистон Республикаси Ички ишлар Вазирлиги томонидан ҳудудий профилактика инспекторларининг ўзлари бириктирилган ҳудудларда амалга ошираётган ишлари атрофлича ўрганилди. Ўрганишлар жараёнида мамлакатимиздаги кўплаб овул ва маҳаллаларда ИИБ профилактика инспекторининг иш хоналари зарур жиҳозлар тўпламлари билан таъминланмагани маълум бўлди ва бу салбий ҳолатга барҳам беришга қаратилган чора-тадбирлар белгиланди.
Унга кўра, Амударё туманининг овул ва маҳалла фуқаролар йиғини ҳудудида фаолият юритувчи 11 нафар профилактика инспекторларининг иш хоналарига ҳам зарур жиҳозлар тўпламлари олиб берилди. Жорий йил 7 август куни Ўзбекистон Республикаси Ички ишлар Вазирлиги томонидан ҳудудий профилактика инспекторларининг иш хоналари учун тайёрланган хона жиҳозлари олиб келиниб, Қиличбой, Дўрман, Куюк кўпир, Чойкўл, Ўрта қалъа овул фуқаролар йиғинлари ҳамда Навоий номли, Ойбек номли, Бўстон, Дўстлик, Чордара, Тошқалъа маҳалла фуқаролар йиғинларидаги профилактика инспекторларига топширилди.
Хона жиҳозларини ҳудудий профилактика инспекторларига тарқатишга бағишланган тадбирда Ўзбекистон Республикаси Ички ишлар Вазирининг ўринбосари, генерал-майор Бекмурод Тожмирзаевич Абдуллаевнинг республика ҳудудида хизмат олиб бораётган профилактика иснпекторларига жамоат тартибини сақлаш, фуқаролар хавфсизлигини таъминлаш, ҳуқуқбузарликларнинг барвақт олдини олиш борасида ҳамда жиноятчиликка қарши курашиш, жисмоний ва юридик шахсларнинг мурожаатларини ўз вақтида самарали ҳал қилишда уларга зарур иш шароитларини яратиш тўғрисидаги қарори ўқиб эшиттирилди.
Шундан сўнг, Қорақалпоғистон Республикаси Ички ишлар Вазирлиги иккинчи минтақавий ҳудуд минтақавий мувофиқлаштириш Маркази бошлиғи, подполковник Тимур Дошумбоев ҳамда Амударё тумани ички ишлар бўлими бошлиғи Жамоладдин Юсуповлар юқорида номлари келтирилган 11 та овул ва маҳалла фуқаролар йиғинларининг ҳудудий профилактика инспекторларига хона жиҳозларини топширдилар.
Ҳудудий профилактика инспекторлари давлатимиз томонидан кўрсатилаётган бу эътибор ва рағбатдан мамнун эканликларини билдирдилар.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
