СТРАТЕГИЯ — ЁШЛАР ФАОЛИЯТИГА КЕНГ ЙЎЛ ОЧАДИ
Мамлакатимизда рақамли иқтисодиётни фаол ривожлантириш, барча тармоқлар ва соҳаларда давлат бошқаруви, таълим, соғлиқни сақлаш ва қишлоқ хўжалигида замонавий ахборот-коммуникация технологияларини кенг жорий этиш бўйича тизимли ишлар амалга оширилмоқда. Соҳани яна ҳам ривожлантиришга “Ўзбекистон — 2030” стратегиясида алоҳида эътибор қаратилган.
“Ўзбекистон – 2030” стратегияси ва уни 2023 йилда амалга ошириш чора-тадбирлари лойиҳалари жамоатчилик муҳокамаси учун эълон қилинди. Ҳужжатда стратегия 5та устувор йўналишлар доирасида амалга оширилиши белгиланган. Булар ҳар бир инсонга ўз салоҳиятини рўёбга чиқариши учун муносиб шароитлар яратиш, барқарор иқтисодий ўсиш орқали аҳоли фаровонлигини таъминлаш, сув ресурсларини тежаш ва атроф-муҳитни муҳофаза қилиш, қонун устуворлигини таъминлаш, халқ хизматидаги давлат бошқарувини ташкил этиш, мамлакатни хавфсиз ва тинчликсевар давлатга айлантириш ишларини давом эттиришдан иборатдир.
Лойиҳада ёшлар салоҳиятини рўёбга чиқариши учун кўпгина чора-тадбирлар амалга оширилиши белгиланганидан мен жуда қувондим. Боиси мен Тўлқин овулида ёшлар етакчиси бўлиб ишлайман. Ўз фаолиятим давомида овулларда истиқомат қилаётган ўсмирлар, ёшларнинг жуда қизиқувчан, интилувчан эканлигини яққол ҳис қилаяпман. Лойиҳада ёшлар орасида ахборот технологияларини оммалаштириш, шунингдек, рақамли технологиялардан фойдаланиш кўникмаларини ривожлантириш, ахборот технологиялари соҳасида масофавий, онлайн ва виртуал ўқитиш технологияларини жорий этиш ва ривожлантириш, онлайн курслар учун платформалар ишлаб чиқиш, рақамли технологиялар соҳасида юқори малакали кадрлар авлодини шакллантириш мақсадида умумтаълим мактаблари ўқувчиларига дастурлашни ўргатиш учун шароит яратиш, шунингдек умумий ўрта таълим мактаблари ўқувчиларига соҳани чуқур ўргатиш чоралари белгилангани ўсмирлар, ёшларнинг ахборот технологияларини чуқур эгаллашига шароит яратади ва бу уларнинг келажаги ёрқин бўлишига хизмат қилади.
Шунингдек, республиканинг барча туманларида рақамли технологиялар ўқув марказларининг ташкил этилиши — ёшларнинг, ўсмирларнинг ахборот технологиялари соҳасида таълим олиши учун кенг имкониятлар яратади, ўқувчилар учун рақамли технологиялардан фойдаланишнинг умумий даражаси ошишини таъминлайди.
Туманимиз, овулимиз ёшлари бунингдек, имкониятлардан унумли фойдаланадилар, ўз иқтидори, салоҳиятини юксалтирадилар, деб ишонаман.
Фозилбек ҚУРБОНБОЕВ,
Тўлқин овули ёшлар етакчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
