ШОИР ВА ЁЗУВЧИЛАР БИЛАН УЧРАШУВ КЎНГИЛЛАРГА ЗАВҚ-ШАВҚ БАҒИШЛАДИ
Маҳаллаларда, оилаларда ижтимоий-маънавий муҳит барқарорлигига салбий таъсир кўрсатувчи ҳолатлар, айниқса, ўсиб келаётган ёш авлодни турли ёт ғоялардан ҳимоя қилиш, ёшларнинг дунёқарашини ва маънавиятини юксалтириш, ёшлар ўртасида китобхонликни янада оммалаштириш, Президентимиз томонидан илгари сурилган бешта муҳим ташаббусни энг чекка қишлоқлар ёшлари ўртасида янада кенг ва фаол оммалаштириш мақсадида www.amunews.uz веб-сайти таҳририяти томонидан амалга оширилаётган “Соғлом муҳит – соғлом ҳаёт” грант лойиҳаси доирасидаги тадбирлар жойларда муносиб кутиб олинмоқда. Қувонарлиси шундаки, мазкур лойиҳа ижодкорлари томонидан ташкиллаштирилаётган маънавий-маърифий тадбирлар, турли соҳа масъуллари, маҳаллалардаги кўпни кўрган нуронийлар, ижодкорлар иштирокидаги учрашувлар, давра суҳбатларида ёшлар тарбияси билан боғлиқ муаммолар рўй-рост тилга олиниб, бу муаммоларни бартараф этиш чоралари кўрилмоқда. Шунингдек, ижодкорлар билан учрашувларда олис қишлоқларда яшаётган, ижодга мойил ёшлар ҳам кашф этилиб, уларнинг ижод намуналари amunews.uz веб-сайтида ва “Тараққиёт кўзгуси”, “Менинг оилам” газеталарида ёритиб борилмоқда.
Ана шундай учрашув тадбири жорий йилнинг 20 сентябрь санасида “Жайхун илҳомлари” ННТда ҳам ўтказилди. www.amunews.uz веб-сайти ижодий жамоаси билан “Жайхун илҳомлари” ННТ ҳамкорлигида ўтказилган ушбу маънавий-маърифий тадбирда Амударё туманида яшаб, ижод этаётган ижодкорлар, “Турмуш чорраҳаларида” туркум ҳаётий ҳикоялари ҳамда лирик шеърлари билан адабиёт ихлосмандларига яқиндан таниш бўлган Зуҳра Аҳмедова, Ўзбекистон Журналистлари ижодий Уюшмаси аъзоси, “Жайхун илҳомлари” ННТ раиси, шоир Ўрозали Рейимов ҳамда “Баркамол авлод” болалар мактаби ва 40-сонли мактабнинг шеъриятга ихлосманд ўқувчи-ёшлари иштирок этишди.
Учрашув тадбирини Ўзбекистон Журналистлари ижодий Уюшмаси аъзоси, “Жайхун илҳомлари” ННТ раиси, шоир Ўрозали Рейимов очди ва www.amunews.uz веб-сайти ижодий жамоаси томонидан амалга оширилаётган “Соғлом муҳит – соғлом ҳаёт” грант лойиҳаси доирасидаги тадбирларнинг маҳаллаларда, оилаларда ижтимоий-маънавий муҳит барқарорлигини таъминлашдаги, шунингдек, маънан етук инсонларни тарбиялаш, аҳоли кенг қатламлари, айниқса, ёшлар ўртасида китобхонликни янада ривожлантиришдаги аҳамияти хусусида тўхталди. Шундан сўнг, “Соғлом муҳит – соғлом ҳаёт” грант лойиҳасининг мақсади ва ундан кутилаётган натижалар тўғрисида лойиҳа ижодкорларидан бири, журналист Робия Йўлдошева батафсил маълумот берди.
Учрашув тадбири давомида Ўзбекистон Журналистлари ижодий уюшмаси аъзоси, шоир Ўрозали Рейимов ижод машаққати ҳақида ва адабиётнинг инсон ҳаётида тутган ўрни хусусида сўз юритиб, ўзининг ижодий фаолияти давомида эришган ютуқлари, ҳаётидаги синовларни енгиб ўтишда адабиётдан, ижоддан куч олгани тўғрисида сўзлаб берди. У ўз ижодидан намуналар ўқиб берди.
Шеър ўқиш навбати Зуҳра Аҳмедовага берилганида учрашув иштирокчилари Зуҳранинг ҳаётий ҳикоялари ҳақиқий турмуш лавҳалари эканлигини эътироф этишиб, олқишладилар.
Тадбир давомида “Баркамол авлод” болалар мактаби ва 40-сонли мактабнинг иқтидорли ўқувчилари ҳам ўзларининг она Ватан, дўстлик, она, тинчлик мавзусидаги шеърларидан ўқиб беришди.
Амударё туманида яшаб, ижод этаётган қаламкашлар билан ёшларнинг учрашуви бири-биридан ёқимли таассуротларга бой, қизиқарли, самимий мулоқот ва шеърхонлик кечасига айланиб кетди ва тадбир барчага завқ-шавқ бағишлади.
Робия ЙЎЛДОШЕВА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
