САЙЁР СУДДА ҲУҚУҚБУЗАРЛАРГА ЖАЗО ТАЙИНЛАНДИ

Чойкўл овулида Жиноят ишлари бўйича Амударё туман суди томонидан сайёр суд мажлиси ўтказилди.

14 сентябрь куни Чойкўл овул фуқаролар йиғини биноси олдида ўтказилган мазкур сайёр суд мажлисида 2 нафар шахсга нисбатан 2 та жиноят иши ва 30 нафар шахсга нисбатан 27 маъмурий ҳуқуқбузарлик тўғрисидаги ишлар кўриб чиқилди.

Сайёр суд мажлисида Ўзбекистон Республикаси ЖК 104-моддаси 1-қисми билан айбланган 1 нафар шахсга нисбатан тўпланган жиноят иши суд томонидан ЖКнинг 111-моддаси 2-қисмига қайта малакаланиб, 2 йил 20 фоизга ахлоқ тузатиш ишлари жазоси тайинланди. Ўзбекистон Республикаси МЖтКнинг 131-моддаси 2-қисми билан тўпланган иш материалига кўра ҳуқуқбузарга нисбатан 15 сутка маъмурий қамоқ жазоси берилди.

Шунингдек, Ўзбекистон Республикаси МЖтКнинг 194-моддаси 1-қисми билан тўпланган иш материали асосида ҳуқуқбузарга нисбатан БҲМнинг 1 баравари, яъни 330.000 сўм жарима жазоси, 3 нафар фуқароларга нисбатан Ўзбекистон Республикаси МЖтКнинг 52-моддасининг 2-қисми билан тўпланган иш материали бўйича ҳар бирига нисбатан базавий ҳисоблаш миқдорининг 2 бараваридан, яъни 660.000 сўм жарима жазосига тортилди.

Ўзбекистон Республикаси МЖтКнинг 131-моддаси 1-қисмида кўрсатилган ҳуқуқбузарликни содир этган 2 нафар ҳуқуқбузар ҳам 1 йил 6 ой муддатга барча турдаги транспорт воситаларини бошқароиш ҳуқуқидан маҳрум қилиниб, базавий хисоблаш миқдорининг 25 баравари, яъни 8.250.000 сўм миқдорида жарима жазоси берилди. МЖтКнинг 41-моддаси билан тўпланган иш материалига кўра ҳуқуқбузарга нисбатан МЖтКнинг 33-моддаси қўлланилиб, базавий ҳисоблаш миқдорининг 3 баравари, яъни 990.000 сўм жарима жазоси қўлланилди.

Мазкур Кодекснинг 133-моддаси билан тўпланган иш материалига кўра ҳуқуқбузар ва жабрланувчи ўзаро ярашганлиги сабабли тегишли тартибда ҳаракатдан тугатилди. Шунингдек, МЖтКнинг 52-моддаси 2-қисми билан тўпланган иш ҳам ҳуқуқбузарлар ва жабрланувчилар ўзаро ярашганлиги сабабли тегишли тартибда ҳаракатдан тугатилди.

А.Сафаров, Жиноят ишлари бўйича туман суди раиси.