9 ой давомида туман Адлия бўлими Давлат хизматлари маркази ҳамда Ягона интерактив давлат хизматлари портали орқали жами 54 минг 175 та давлат хизмати кўрсатилган

Адлия бўлимлари тузилмасига юридик хизмат кўрсатиш марказлари, туман (шаҳар) давлат хизматлари марказлари ва уларнинг филиаллари ҳамда ФҲДЁ органлари барча ҳуқуқ ва ваколатларини сақлаган ҳолда ўтказилди.

Ўзбекистон Республикаси Президентининг “Фуқароларнинг ҳуқуқ ва эркинликларини таъминлаш ҳамда ҳуқуқий хизмат кўрсатишда адлия органлари ва муассасалари фаолияти самарадорлигини янада ошириш чора-тадбирлари тўғрисида”ги Фармонига мувофиқ Адлия вазирлиги зиммасига жисмоний ва юридик шахсларга давлат хизматлари кўрсатиш соҳасида ягона давлат сиёсатини амалга ошириш, ортиқча маъмурий тартиб-таомилларни бартараф этиш ҳисобига тезкор, қулай ва сифатли давлат хизматлари кўрсатилишини таъминлаш, давлат хизматлари кўрсатиш соҳасида, шу жумладан тегишли ахборот тизимлари, ресурслар ва маълумотлар базаларини жорий этиш бўйича давлат органлари ва бошқа ташкилотлар фаолиятини назорат қилиш ва самарадорлигини баҳолаш вазифалари юклатилган.

Амударё тумани Адлия бўлими Давлат хизматлари маркази ҳамда Ягона интерактив давлат хизматлари портали орқали жами 54175 та давлат хизмати кўрсатилган бўлиб, шундан 1800дан ортиқ давлат хизматлари юридик шахсларга, 52000 дан ортиқ давлат хизматлари жисмоний шахсларга кўрсатилган.

Давлат хизматлари марказларида ҳамда Ягона интерактив давлат хизматлари портали орқали жисмоний ва юридик шахсларнинг энг кўп фойдаланишган давлат хизматлари, жумладан Электрон рақамли имзо калитларини бериш (12357 та), Болани давлат мактабгача таълим муассасасига жойлаштириш учун ариза бериш (6897 та), Наркология ва Руҳий касалликлар бўйича диспансер ҳисобида туриши ёки турмаслиги тўғрисида маълумотнома олиш (5459 та), Кадастр паспортини шакллантириш (4207 та), Кўчмас мулк объектларига бўлган ҳуқуқларни давлат рўйхатидан ўтказишга ариза юбориш (3505 та), Қурилиш-монтаж ишлари тугалланган объектдан фойдаланиш учун рухсатнома бериш ва кадастр ҳужжатларини расмийлаштириш (3038 та),  Судланмаганлик (ёки судланганлик) тўғрисида маълумотномаларни олиш учун ариза юбориш (1876 та),  Кексалар ва ногиронлиги бўлган шахсларга санаторийларда даволаниш учун йўлланмалар бериш (1323 та), “Бир миллион дастурчи” лойиҳаси доирасида ўқув курсларини муваффақиятли тугатган ёшларга, шунингдек, IT-парк резидентининг ўқувчиси ёки битирувчиси бўлган ёшларга компьютер харид қилиш бўйича истеъмол кредити фоизларини қоплаб бериш (1260 та),  Мавзули сўровларни ижро этиш (1120 та), Нафақа тайинлаш учун ариза бериш (1075 та) бўлиб ҳисобланади.

Тадбиркорлик субьектларини давлат рўйхатидан ўтказишда 159 юридик шахслар, 662 якка тартибдаги тадбиркорлар давлат рўйхатидан ўтказилган.

Тадбиркорлик субъектларини қайта давлат рўйхатидан ўтказишда 140 юридик шахслар, 54 якка тартибдаги тадбиркорлар қайта давлат рўйхатидан ўтказилган.

Шунингдек давлат хизматлари марказларининг асосий вазифаларидан бири ҳисобланган олис ҳудудларга чиққан ҳолда давлат хизматларини кўрсатиш амалиётини кенг қўллаган ҳолда жорий йил январ-апрел ойларида тумандаги овул ва маҳаллаларида сайёр тартибда фуқароларга 2845 та давлат хизмати кўрсатилди ва сайёр хизмат кўрсатиш жараёнида фуқароларга электрон давлат хизматларидан фойдаланиш кўникмалари, давлат хизматлари кўрсатиш соҳасига оид янгиликлар ҳақида ҳуқуқий тушунтиришлар берилди.

Амударё тумани Давлат хизматлари марказининг “Хитой филиали”да ҳудуд аҳолисига мунтазам давлат хизматлари кўрсатилиб келинмоқда ҳамда жорий йил бошидан 2313 га яқин давлат хизматлари ДХМ “Хитой филиали” орқали кўрсатилган.

Мансур Садиков, Амударё тумани Адлия бўлими бошлиғи