9 oy davomida tuman Adliya boʻlimi Davlat xizmatlari markazi hamda Yagona interaktiv davlat xizmatlari portali orqali jami 54 ming 175 ta davlat xizmati koʻrsatilgan

Adliya boʻlimlari tuzilmasiga yuridik xizmat koʻrsatish markazlari, tuman (shahar) davlat xizmatlari markazlari va ularning filiallari hamda FHDYo organlari barcha huquq va vakolatlarini saqlagan holda oʻtkazildi.

Oʻzbekiston Respublikasi Prezidentining “Fuqarolarning huquq va erkinliklarini taʼminlash hamda huquqiy xizmat koʻrsatishda adliya organlari va muassasalari faoliyati samaradorligini yanada oshirish chora-tadbirlari toʻgʻrisida”gi Farmoniga muvofiq Adliya vazirligi zimmasiga jismoniy va yuridik shaxslarga davlat xizmatlari koʻrsatish sohasida yagona davlat siyosatini amalga oshirish, ortiqcha maʼmuriy tartib-taomillarni bartaraf etish hisobiga tezkor, qulay va sifatli davlat xizmatlari koʻrsatilishini taʼminlash, davlat xizmatlari koʻrsatish sohasida, shu jumladan tegishli axborot tizimlari, resurslar va maʼlumotlar bazalarini joriy etish boʻyicha davlat organlari va boshqa tashkilotlar faoliyatini nazorat qilish va samaradorligini baholash vazifalari yuklatilgan.

Amudaryo tumani Adliya boʻlimi Davlat xizmatlari markazi hamda Yagona interaktiv davlat xizmatlari portali orqali jami 54175 ta davlat xizmati koʻrsatilgan boʻlib, shundan 1800dan ortiq davlat xizmatlari yuridik shaxslarga, 52000 dan ortiq davlat xizmatlari jismoniy shaxslarga koʻrsatilgan.

Davlat xizmatlari markazlarida hamda Yagona interaktiv davlat xizmatlari portali orqali jismoniy va yuridik shaxslarning eng koʻp foydalanishgan davlat xizmatlari, jumladan Elektron raqamli imzo kalitlarini berish (12357 ta), Bolani davlat maktabgacha taʼlim muassasasiga joylashtirish uchun ariza berish (6897 ta), Narkologiya va Ruhiy kasalliklar boʻyicha dispanser hisobida turishi yoki turmasligi toʻgʻrisida maʼlumotnoma olish (5459 ta), Kadastr pasportini shakllantirish (4207 ta), Koʻchmas mulk obʼektlariga boʻlgan huquqlarni davlat roʻyxatidan oʻtkazishga ariza yuborish (3505 ta), Qurilish-montaj ishlari tugallangan obʼektdan foydalanish uchun ruxsatnoma berish va kadastr hujjatlarini rasmiylashtirish (3038 ta),  Sudlanmaganlik (yoki sudlanganlik) toʻgʻrisida maʼlumotnomalarni olish uchun ariza yuborish (1876 ta),  Keksalar va nogironligi boʻlgan shaxslarga sanatoriylarda davolanish uchun yoʻllanmalar berish (1323 ta), “Bir million dasturchi” loyihasi doirasida oʻquv kurslarini muvaffaqiyatli tugatgan yoshlarga, shuningdek, IT-park rezidentining oʻquvchisi yoki bitiruvchisi boʻlgan yoshlarga kompyuter xarid qilish boʻyicha isteʼmol krediti foizlarini qoplab berish (1260 ta),  Mavzuli soʻrovlarni ijro etish (1120 ta), Nafaqa tayinlash uchun ariza berish (1075 ta) boʻlib hisoblanadi.

Tadbirkorlik subektlarini davlat roʻyxatidan oʻtkazishda 159 yuridik shaxslar, 662 yakka tartibdagi tadbirkorlar davlat roʻyxatidan oʻtkazilgan.

Tadbirkorlik subʼektlarini qayta davlat roʻyxatidan oʻtkazishda 140 yuridik shaxslar, 54 yakka tartibdagi tadbirkorlar qayta davlat roʻyxatidan oʻtkazilgan.

Shuningdek davlat xizmatlari markazlarining asosiy vazifalaridan biri hisoblangan olis hududlarga chiqqan holda davlat xizmatlarini koʻrsatish amaliyotini keng qoʻllagan holda joriy yil yanvar-aprel oylarida tumandagi ovul va mahallalarida sayyor tartibda fuqarolarga 2845 ta davlat xizmati koʻrsatildi va sayyor xizmat koʻrsatish jarayonida fuqarolarga elektron davlat xizmatlaridan foydalanish koʻnikmalari, davlat xizmatlari koʻrsatish sohasiga oid yangiliklar haqida huquqiy tushuntirishlar berildi.

Amudaryo tumani Davlat xizmatlari markazining “Xitoy filiali”da hudud aholisiga muntazam davlat xizmatlari koʻrsatilib kelinmoqda hamda joriy yil boshidan 2313 ga yaqin davlat xizmatlari DXM “Xitoy filiali” orqali koʻrsatilgan.

Mansur Sadikov, Amudaryo tumani Adliya boʻlimi boshligʻi