ХАЛҚИМИЗНИНГ САНИТАРИЯ МАДАНИЯТИНИ ЮКСАЛТИРИШ – АСОСИЙ ВАЗИФАМИЗ
Ўзбекистон Республикаси Президенти Фармонлари, Вазирлар Маҳкамасининг Қарорлари ва Соғлиқни сақлаш вазирлигининг меъёрий ҳужжатлари асосида Санитария-эпидемиология хизмати такомиллаштирилиши натижасида кейинги йилларда туманимизда ушбу соҳада ҳам қатор ижобий ишлар амалга оширилмоқда.
Хусусан, Ўзбекистон Республикасининг “Аҳолининг Санитария-эпидемиологик осойишталиги тўғрисида”ги Қонуни асосида аҳолининг санитария-эпидемиологик осойишталиги барқарорлигини таъминлаш, туман ҳудудига ўта юқумли, карантин инфекцияларнинг кириб келиши ва тарқалишининг олдини олиш юзасидан доимий назорат ишлари олиб борилмоқда. СЭО ва ЖС бўлимини малакали кадрлар билан таъминлаш, моддий-техника базасини янада ривожлантириш, марказ бинолари ва лабораторияларини замон талаблари даражасида реконструкция қилиш, жиҳозлаш, электрон ўлчов асбоб-ускуналари билан таъминлаб бориш, ахборот-коммуникация тармоқларидан самарали фойдаланиш орқали ахборот-алмашинувини тизимли равишда олиб бориш каби устувор вазифаларга эътибор қаратилмоқда.
Объектларни қуриш ва эксплуатация қилишда, уларни жойлаштиришда аҳоли саломатлигига зарарли таъсир кўрсатувчи омилларнинг олдини олишга қаратилган огоҳлантирувчи санитария назоратини ўтказиш, жорий санитария назорати давомида атроф-муҳит мониторингини, очиқ сув ҳавзалари, атмосфера ҳавоси ва тупроқнинг ҳар хил кимёвий, биологик чиқиндилар, турли зарарли микроблар, паразитар касалликлар чақирувчилари билан ифлосланишининг олдини олишга қаратилган чора-тадбирлар ўз вақтида амалга
оширилмоқда.
Шунингдек, ичимлик суви манбалари ва иншоотлари, коммунал, маданий-маиший хизмат кўрсатиш объектларида, болалар ва ўсмирлар муассасаларида, умумовқатланиш ва савдо-сотиқ объектларида, саноат ва ишлаб чиқариш корхоналарида санитария назорати ўтказиш йўли билан санитария ҳолатини яхшилашга эришилмоқда.
Аҳолининг тоза ичимлик суви билан таъминланишини назорат қилиш ва санитария маданиятини ошириш, профилактика йўли билан ҳар хил юқумли касалликларнинг олдини олиш, фавқулодда вазият юз берганда аҳолига санитария-эпидемиологик хизмат кўрсатиш, аҳоли орасида санитария маданиятини тарғиб қилиш ишларини кучайтириш ва таъсир чораларини кўриш орқали санитария-эпидемиологик чора-тадбирлар олиб борилмоқда. Бундан ташқари, бошқариладиган инфекцияларга қарши ўтказилаётган профилактик эмлаш ишларининг сифатли амалга оширилишини таъминлаш ва бошқариладиган инфекцияларнинг қайд қилинишининг олдини олиш ҳамда аҳоли ўртасида янги режали эмлаш тақвимига киритилаётган профилактик эмлаш ишларининг аҳамияти ва самарадорлигини кенг тарғиб қилишга алоҳида эътибор қаратилаётгани ўзининг ижобий самарасини бермоқда.
Аҳолининг санитария-эпидемиологик осойишталиги билан боғлиқ муаммоли масалаларини ҳал этишнинг янгича “Маҳаллабай” ишлаш тизими ташкил этилган бўлиб, санитария-эпидемиологик осойишталик ва жамоат саломатлиги бўлими мутахассисларидан иборат ишчи гуруҳ вакиллари иштирокида аҳоли орасида мавсумий касалликлар, ўткир юқумли ошқозон-ичак касалликлари, ботулизм ва бошқа турдаги овқатдан заҳарланишлар, вирусли гепатитлар, ўта хавфли юқумли касалликлар, паразитар гижжа касалликларининг профилактикаси ҳамда ичимлик сувига қўйиладиган гигиеник талаблар тўғрисидаги профилактик тарқатма материаллари орқали санитария-тарғибот ишлари олиб борилиб, бу тадбирларга кенг жамоатчилик қамраб олинмоқда.
Мен фурсатдан фойдаланиб, азиз халқимизни, ҳамкасбларимизни соғлиқни сақлаш ходимлари куни байрами билан чин дилдан табриклайман ва уларга мустаҳкам соғлиқ, касбий фаолиятларида ютуқлар тилайман.
Г.Бекиев, туман СЭОваЖС бўлими бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
