ФУҚАРОЛИКНИ РАСМИЙЛАШТИРИШ БОРАСИДАГИ МУАММОЛАР ЎРГАНИЛИБ, ИЖОБИЙ ҲАЛ ЭТИЛМОҚДА

Ўзбекистон Республикаси Президентининг «Ўзбекистон Республикаси фуқароларининг хорижга чиқиш тартибини такомиллаштиришга доир муҳим чора-тадбирлар тўғрисида»ги Фармони ҳамда «Ўзбекистон Республикаси фуқаросининг хорижга чиқиш биометрик паспортини расмийлаштириш ва бериш тизимини яратиш ҳамда Ўзбекистон Республикаси биометрик паспорт тизимини модернизация қилишга доир қўшимча чора-тадбирлар тўғрисида»ги Қарорига асосан туман ИИБнинг Миграция ва фуқароликни расмийлаштириш бўлими томонидан 2023 йилнинг ўтган даврида тизимли ишлар амалга оширилди.

Ўзбекистон Республикаси Президентининг 2020 йил 22 сентябрь кунги “Ўзбекистон Республикасида идентификация ID-карталарни жорий этиш чора-тадбирлари тўғрисида”ги Фармони талабларига асосан биометрик паспорт ўрнига жорий этилаётган идентификация ID карталарини олиш ва алмаштириш учун туман ИИБнинг МваФРБга мурожаат қилган фуқароларга шу куннинг ўзида ID карта расмийлаштирилиб берилмоқда. Жумладан 2023 йил октябрь ойи давомида 1 312 нафар  фуқаро мурожаат қилган бўлиб, уларга ID карта тўлиқ расмийлаштирилди, йил бошидан эса 6 403 нафар фуқаро ID карта эгалари бўлишди.

Шунингдек, бўлимга Ўзбекистон Республикаси фуқаролигига тан олиш бўйича фуқаролардан 2та, Ўзбекистон Республикаси фуқаролигига қабул қилиш бўйича эса 15та мурожаат келиб тушган бўлиб, йил бошидан 120та фуқаролик қабул қилиш, 12та тан олиш бўйича йиғма жилд қабул қилинди ва бу мурожаатларни қаноатлантириш чоралари кўрилди.

2023 йил бошидан бери фуқаролиги бўлмаган шахс гувоҳномасини олиш учун 2та мурожаат ва чет эл фуқароси Ўзбекистон Республикасида яшаш гувоҳномасини олиш учун йил бошидан 8та мурожжат келиб тушди.

Туман худудида ўтказилган “Паспорт-виза” тадбири давомида 2023 йил октябрь ойи давомида 42 нафар  фуқаро паспорт тизими қоидаларини бузиб яшаб юрганлиги аниқланиб,  уларга нисбатан Ўзбекистон Республикаси Маъмурий жавобгарлик тўғрисидаги Кодекснинг  тегишли моддасига кўра, маъмурий баённомалар тўлдирилди ва давлат фойдасига 3 960 000 сўм  миқдорида жарима ундирилди. Ушбу фуқароларнинг барчасига ID карта расмийлаштирилиб берилди. Бу борада йил бошидан МЖтКнинг тегишли моддасига асосан 347та баённома тузилиб, паспорт қоидаларини бузган фуқаролардан 44 587 500 сўм жарима ундирилди.

Жорий йил бошидан МДҲ давлатларидан 2 586 нафар чет эл фуқаролари келган бўлиб, шулардан Қозоғистон Республикасидан 1 249 нафар, Россия Федерациясидан 150 нафар,  Тожикистондан 6 нафар, шунингдек, 5 нафар фуқаролиги йўқ шахслар, Туркманистон Республикасидан 1 138 нафар, Озарбойжон Республикасидан 3 нафар, Беларус давлатидан 2 нафар, Туркиядан 4 нафар, Қирғизстондан 11 нафар, Германиядан 1 нафар, Украинадан 1 нафар фуқаролар  вақтинча яшаш учун рўйхатга олиндилар.

Жорий йил бошидан 15 нафар фуқаро Ўзбекистонда бўлиш қоидаларига риоя қилмаганлиги, вақтинча яшаш муддати ўтиб кетганлиги аниқланди ва Ўзбекистон Республикаси Маъмурий жавобгарлик тўғрисидаги Кодекснинг тегишли моддаси билан маъмурий баённома расмийлаштирилиб, улардан қонуний асосда жарима ундирилди.

Ўзбекистон Республикаси ИИВнинг 2021 йил 1 январь кунги «Жисмоний ва юридик шахсларнинг мурожаатлари билан ишлашни такомиллаштириш тўғрисида»ги буйруғи талаблари асосида фуқаролардан келиб тушган мурожаатлар муаллифларига  жавоб хатлари ўз вақтида бериб борилмоқда.

Айни пайтда Амударё тумани ҳудудида жорий йилнинг октябрь ҳолатига фуқаролиги бўлмаган шахслар 325 нафар, чет эл фуқаролари 228 нафарни ташкил қилади. Миграция ва фуқароликни расмийлаштириш бўлими томонидан мазкур тоифадаги шахсларга тегишли ҳужжатлар ўрганилиб, зарур чоралар кўриш масаласи ҳам алоҳида эътиборга олинган.

А.Умаров, Амударё тумани ИИБ МваФРБ бошлиғи, капитан.