Ҳоким ва ёшлар учрашуви бўлиб ўтди
Бугунги кун ёшлари ҳар томонлама салоҳиятга ва иқтидорга эга эканликларини барча жабҳалардаги ютуқлари билан амалда исботламоқдалар. Турли соҳа ва йўналишларда ютуқларни қўлга киритаётган ўғил-қизларнинг мувафаққияти сўзимизга яққол исбот бўла олади.
Аммо, яратилаётган имкониятлар ва шароитларга қарамасдан турли муаммо ва тўсиқларга дуч келаётган, ўз қизиқиши бўйича касб ёки ҳунар эгалласа-да, иқтидорини намоён қила олмаётган ёшлар сони ҳам кам эмас. Ана шундай ёшларни қўллаб-қувватлаш масаласи эса Амударё туманининг турли ҳудудларида жадвал асосида ўтказилаётган ҳоким ва ёшлар учрашувлари орқали ҳал қилинмоқда.
21 декабрь куни туман Маданият бўлими томошалар залида навбатдаги ҳоким ва ёшлар учрашуви бўлиб ўтди.
Очиқ мулоқоқт тарзида ўтказилган учрашувда туман ҳокими Собир Хўжаметов, секторлар раҳбарлари, Мудофаа ишлари бўлими бошлиғи Шерзод Муродов, Ёшлар ишлари агентлиги туман бўлими бошлиғи Сардор Исмоилов, мутасадди ташкилотлар раҳбарлари, туман, республика миқёсида ғолибликни қўлга киритган спортчи ёшлар, кўплаб натижаларга эришган мактаб ўқувчилари, овул ва маҳаллалардаги ёшлар етакчилари ҳамда фаол ёшлар иштирок этдилар.
Учрашув аввалида туман ҳокими Собир Хўжаметов овул ва маҳаллалардаги ишсиз ёшларга ўз меҳнат фаолиятларини бошлашлари учун субсидия асосида меҳнат қуролларини топширилди.
Шундан сўнг, туман ва республика миқёсида турли мусобақаларда ғолибликни қўлга киритиб келаётган спортчи ёшлар ҳамда кўплаб натижаларга эришган мактаб ўқувчиларига диплом ва қимматбаҳоли совғалар топширилди.
Учрашувда туман ҳокими Собир Хўжаметов давлатимиз ва ҳукуматимиз томонидан ёшларни қўллаб-қувватлаш мақсадида қабул қилинган барча қарор ва фармонлар негизида Ватан келажагини ўз тақдирида кўрувчи фидоий ёшларни тарбиялаб, вояга етказишдек эзгу мақсадлар мажассам эканини таъкидлади.
Қайд этилганидек, бугун мамлакатимизда ёшларни ҳар жиҳатдан баркамол қилиб тарбиялаш, уларнинг саломатлигини мустаҳкамлаш, қобилиятларини рўёбга чиқариш ва бандлигини таъминлашга кўмаклашиш, бўш вақтини мазмунли ўтказиш, барча соҳаларда олиб борилаётган ислоҳотлар жараёнидаги иштирокини кенгайтириш масаласига давлат сиёсати даражасида эътибор қаратилмоқда.
Айниқса, юксак маънавиятли, мустақил фикрловчи, қатъий ҳаётий позицияси, кенг дунёқараш ва чуқур билимларга эга бўлган ватанпарвар ёшларни тарбиялаш, уларда турли мафкуравий таҳдидларга қарши иммунитетни шакллантириш, спортга жалб қилиш орқали улар орасида соғлом турмуш тарзини тарғиб қилиш борасида ҳаётга татбиқ этилаётган ислоҳотлар ўз самарасини бермоқда.
Учрашувда Ёшлар ишлари агентлиги туман бўлими бошлиғи Сардор Исмоилов Ватан келажаги фақат ёшлар қўлида эканлиги, уларни ҳар томонлама қўллаб-қувватлаш, муаммоларини ҳал қилиш учун туманимиздаги барча ташкилотлар раҳбарлари масъул эканлигини айтиб ўтди.
Шундан сўнг ёшлар ва уларнинг ота-оналари туман ҳокимига ўз муаммо ва таклифлари билан мурожаат қилдилар. Учрашувда ёшлар томонидан турли мазмундаги мурожаатлар келиб тушди. Хусусан, олий таълим муассасаларида тўлов-контракт асосида ўқиётган талабалардан контракт тўловини тўлашга ёрдам бериш, субсидия асосида меҳнат қуролларини олиш, бандлик ҳамда ўз тадбиркорлик фаолиятини йўлга қўйиш учун имтиёзли кредит олиш каби масалаларда мурожаатлар келиб тушди.
Жойида ҳал қилиш имкони бўлган мурожаатлар, таклиф ва ташаббуслар юзасидан ёшларнинг талаблари қаноатлантирилди. Атрофлича ўрганишни тақозо этадиган долзарб масалаларни ҳал этиш юзасидан Ёшлар ишлари агентлиги туман бўлими ҳамда алоқадор муассаса-ташкилот, идоралар раҳбарларига муддатлар белгиланиб, топшириқлар берилди. Мурожаат ва саволлар баробарида учрашувда иштирок этган ёшлар туман ҳокимига ўз таклифларини ҳам беришди.
Учрашув сўнгида туманимиздаги файзли “Шер” тўйхонасида ёшлар учун дастурхон ёзилиб, туман Маданият бўлими томонидан концерт дастури намойиш этилди.
Туман ҳокимлиги Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
