АҲОЛИ МУАММОЛАРИГА ЕЧИМ ТОПИШ СЕКТОР ФАОЛИЯТИНИНГ АСОСИЙ МЕЗОНИГА АЙЛАНДИ

Амударё туманининг 3-сектори ҳудудида 12та овул ва маҳаллалар мавжуд бўлиб, унда яшовчи аҳоли сони 54105 кишини ташкил қилади. Хонадонлар сони 10502та, оилалар сони эса 12542тадан иборат.

2023 йилнинг 11 ойи давомида ҳудудда 49та сайёр қабуллар ўтказилди. Ушбу сайёр қабулларда жами 388та мурожаат келиб тушган бўлса, барчасини ҳал қилиш чоралари кўрилди. “Бандлик” дастурига мувофиқ жорий йилнинг 11 ойи давомида ҳудудда яшовчи 477 нафар фуқаролар туман Камбағалликни қисқартириш ва бандликка кўмаклашиш бўлими томонидан ишга жойлаштирилган. Шунингдек, 15 нафар фуқарога енгил конструкцияли иссиқхоналар қуриши ва суғориш воситаларини олиши учун 127,9 млн. сўм маблағ ажратилган.

Жорий йилнинг ўтган даври мобайнида 3-сектор ҳудудида бир марта бўш иш ўринлари ярмаркаси ташкил қилиниб, ярмаркага 27та корхона ва ташкилотлардан 85 бўш иш ўринлари таклиф қилинди. Ушбу тадбирда 83 нафар фуқаро қатнашган бўлса, 21 нафарига ишга йўлланма берилди. Сектор ҳудудидаги 9 нафар аҳоли жамоат ишларига жалб қилинди. Ўқув марказларида йил бошидан 37 нафар фуқаролар турли йўналишда таҳсил олиб, уларнинг бандлиги тўлиқ таъминланди, ҳудуддаги 288 нафар меҳнат мигрантидан 183 нафарининг бандлиги таъминланди.

Сектор ҳудудидаги маҳаллаларнинг инфратузилмасини яхшилаш борасида ҳам бир қанча ишлар амалга оширилди. Хусусан, Жумуровул маҳалласидаги узунлиги 1,2 км. бўлган “Шижоатли” кўчасида қиймати 222,5 млн. сўмлик жорий таъмирлаш ишлари, Бўзёп овулида “Янги ҳаёт” 1-, 2-участка, “Бўзариқ” 1-, 2-, 3-участкалардаги узунлиги 2,433 км. бўлган кўчаларда қиймати 392,6 млн. сўмлик жорий таъмирлаш ишлари бажарилмоқда. Ду-рунки маҳалласидаги “Туркистон” кўчасида узунлиги 0,392 км. бўлган, қиймати 240,2 млн. сўмлик жорий таъмирлаш, Бойовул маҳалласидаги “Баҳор” кўчасида узунлиги 0,610 км. бўлган, қиймати 500,2 млн. сўмлик жорий таъмирлаш, Оқ олтин овулидаги “Деҳқонобод-1” ва “Деҳқонобод-2” кўчаларида узунлиги 1,097 км. бўлган, қиймати 224,6 млн. сўмлик жорий таъмирлаш ишлари бошланиш арафасида. Шунингдек, “Open budget” портали орқали Торёп маҳалласидаги “Деҳқонбирлик” кўчасининг узунлиги 0,94 км. қисмига тош ётқизиш ҳамда “Торёп-Қиличбой” йўлининг 1,02 км. қисмига қора қоплама асфальт ётқизиш режалаштирилган.

Бундан ташқари, 3-сектор раҳбарининг ташаббуси билан сектор ҳудудидаги 10та маҳалланинг ҳар биридан иккита кўчага тош-шағал ётқизиш ишлари олиб борилмоқда.      

Сектор ҳудудидаги муҳтож шахслар, яъни 40 нафар фуқаролар реабилитация техник воситалари ва кресло-аравачалари билан таъминланди. «Саховат ва кўмак» умуммиллий ҳаракати доирасида «Темир дафтар»даги оилаларга жами 635,7 млн. сўмлик турли хилдаги ёрдам кўрсатилган. Жумладан, 120 нафар оилага 36 млн. сўмлик озиқ-овқат маҳсулотлари берилди, 83 нафар оилага 58,6 млн. сўмлик нақд пул кўринишида моддий ёрдам кўрсатилди, 31 нафар оилага 108,5 млн. сўмлик чорва моллари олиб берилди, 12 нафар оилага 7,1 млн. сўмлик бошқа турдаги ёрдамлар кўрсатилди. Шунингдек, «Темир дафтар»га киритилган оилаларга 600 млн. сўмдан ортиқ моддий ёрдамлар берилди.

Ҳудудда «Ёшлар дафтари» рўйхатига 455 нафар ёшлар киритилган бўлса, уларнинг 263 нафарига турли хил ёрдамлар кўрсатилди ва дафтардан чиқарилди.

Жорий йил январь-февраль ойи бошидан сектор ҳудудида “Аёллар дафтари”нинг 4-босқичига 1450 нафар хотин-қизлар киритилди. Бугунги кунда ушбу рўйхатдаги аёл-қизларнинг 1286 нафарига турли хилдаги ёрдамлар кўрсатилди. Уларга иш билан таъминлаш, тадбиркорликни йўлга қўйиш, эҳтиёжманд хотин-қизларга бир марталик моддий ёрдам ажратиш, уй-жойини таъмирлаш, қарамоғида ногиронлиги бўлган хотин-қизларга моддий ёрдам ажратиш каби масалалар бўйича амалий ёрдамлар берилди.

Ундан ташқари, даромад топишга, касб ўрганишга ҳаракат қилаётган 466та оилалар аниқланиб, ҳоким ёрдамчилари томонидан 357 нафар фуқарога  2,5 млрд. сўмлик кредит маблағлари ажратилди, енгил конструкцияли иссиқхона ҳамда асбоб-ускуналар сотиб олиш учун 366та хонадонлардаги 64 нафар фуқарога 48,9 млн. сўмлик субсидиялар ажратилди. Ижтимоий ҳимояга муҳтожлиги бўлган 214та хонадонлардан 95 нафар ишсиз фуқароларнинг бандлиги таъминланди.

Мақсадимиз – фақат хизмат хонасида ўтирмасдан, жойларга бориб, аҳолини безовта қилаётган энг долзарб масалаларнинг амалий ечими билан шуғулланиш, халқ билан яқиндан мулоқот қилиб, унинг дард-у ташвишлари, ҳаётий муаммоларини самарали ҳал этиш бўйича янгича қараш билан фаолият олиб бориш ҳамда шу ғояни секторимиз фаолиятининг асосий мезонига айлантиришдир. Шундагина фуқароларимиз учун фаровон турмуш тарзи яратилишига, давлатимиздан рози бўлиб яшашига ҳисса қўшган бўламиз.

Ж.Юсупов,

туман ИИБ бошлиғи, 3-сектор раҳбари.