AHOLI MUAMMOLARIGA YeChIM TOPISh SEKTOR FAOLIYaTINING ASOSIY MEZONIGA AYLANDI

Amudaryo tumanining 3-sektori hududida 12ta ovul va mahallalar mavjud boʻlib, unda yashovchi aholi soni 54105 kishini tashkil qiladi. Xonadonlar soni 10502ta, oilalar soni esa 12542tadan iborat.

2023-yilning 11 oyi davomida hududda 49ta sayyor qabullar oʻtkazildi. Ushbu sayyor qabullarda jami 388ta murojaat kelib tushgan boʻlsa, barchasini hal qilish choralari koʻrildi. “Bandlik” dasturiga muvofiq joriy yilning 11 oyi davomida hududda yashovchi 477 nafar fuqarolar tuman Kambagʻallikni qisqartirish va bandlikka koʻmaklashish boʻlimi tomonidan ishga joylashtirilgan. Shuningdek, 15 nafar fuqaroga yengil konstruktsiyali issiqxonalar qurishi va sugʻorish vositalarini olishi uchun 127,9 mln. soʻm mablagʻ ajratilgan.

Joriy yilning oʻtgan davri mobaynida 3-sektor hududida bir marta boʻsh ish oʻrinlari yarmarkasi tashkil qilinib, yarmarkaga 27ta korxona va tashkilotlardan 85 boʻsh ish oʻrinlari taklif qilindi. Ushbu tadbirda 83 nafar fuqaro qatnashgan boʻlsa, 21 nafariga ishga yoʻllanma berildi. Sektor hududidagi 9 nafar aholi jamoat ishlariga jalb qilindi. Oʻquv markazlarida yil boshidan 37 nafar fuqarolar turli yoʻnalishda tahsil olib, ularning bandligi toʻliq taʼminlandi, hududdagi 288 nafar mehnat migrantidan 183 nafarining bandligi taʼminlandi.

Sektor hududidagi mahallalarning infratuzilmasini yaxshilash borasida ham bir qancha ishlar amalga oshirildi. Xususan, Jumurovul mahallasidagi uzunligi 1,2 km. boʻlgan “Shijoatli” koʻchasida qiymati 222,5 mln. soʻmlik joriy taʼmirlash ishlari, Boʻzyop ovulida “Yangi hayot” 1-, 2-uchastka, “Boʻzariq” 1-, 2-, 3-uchastkalardagi uzunligi 2,433 km. boʻlgan koʻchalarda qiymati 392,6 mln. soʻmlik joriy taʼmirlash ishlari bajarilmoqda. Du-runki mahallasidagi “Turkiston” koʻchasida uzunligi 0,392 km. boʻlgan, qiymati 240,2 mln. soʻmlik joriy taʼmirlash, Boyovul mahallasidagi “Bahor” koʻchasida uzunligi 0,610 km. boʻlgan, qiymati 500,2 mln. soʻmlik joriy taʼmirlash, Oq oltin ovulidagi “Dehqonobod-1” va “Dehqonobod-2” koʻchalarida uzunligi 1,097 km. boʻlgan, qiymati 224,6 mln. soʻmlik joriy taʼmirlash ishlari boshlanish arafasida. Shuningdek, “Open budget” portali orqali Toryop mahallasidagi “Dehqonbirlik” koʻchasining uzunligi 0,94 km. qismiga tosh yotqizish hamda “Toryop-Qilichboy” yoʻlining 1,02 km. qismiga qora qoplama asfalt yotqizish rejalashtirilgan.

Bundan tashqari, 3-sektor rahbarining tashabbusi bilan sektor hududidagi 10ta mahallaning har biridan ikkita koʻchaga tosh-shagʻal yotqizish ishlari olib borilmoqda.      

Sektor hududidagi muhtoj shaxslar, yaʼni 40 nafar fuqarolar reabilitatsiya texnik vositalari va kreslo-aravachalari bilan taʼminlandi. «Saxovat va koʻmak» umummilliy harakati doirasida «Temir daftar»dagi oilalarga jami 635,7 mln. soʻmlik turli xildagi yordam koʻrsatilgan. Jumladan, 120 nafar oilaga 36 mln. soʻmlik oziq-ovqat mahsulotlari berildi, 83 nafar oilaga 58,6 mln. soʻmlik naqd pul koʻrinishida moddiy yordam koʻrsatildi, 31 nafar oilaga 108,5 mln. soʻmlik chorva mollari olib berildi, 12 nafar oilaga 7,1 mln. soʻmlik boshqa turdagi yordamlar koʻrsatildi. Shuningdek, «Temir daftar»ga kiritilgan oilalarga 600 mln. soʻmdan ortiq moddiy yordamlar berildi.

Hududda «Yoshlar daftari» roʻyxatiga 455 nafar yoshlar kiritilgan boʻlsa, ularning 263 nafariga turli xil yordamlar koʻrsatildi va daftardan chiqarildi.

Joriy yil yanvar-fevral oyi boshidan sektor hududida “Ayollar daftari”ning 4-bosqichiga 1450 nafar xotin-qizlar kiritildi. Bugungi kunda ushbu roʻyxatdagi ayol-qizlarning 1286 nafariga turli xildagi yordamlar koʻrsatildi. Ularga ish bilan taʼminlash, tadbirkorlikni yoʻlga qoʻyish, ehtiyojmand xotin-qizlarga bir martalik moddiy yordam ajratish, uy-joyini taʼmirlash, qaramogʻida nogironligi boʻlgan xotin-qizlarga moddiy yordam ajratish kabi masalalar boʻyicha amaliy yordamlar berildi.

Undan tashqari, daromad topishga, kasb oʻrganishga harakat qilayotgan 466ta oilalar aniqlanib, hokim yordamchilari tomonidan 357 nafar fuqaroga  2,5 mlrd. soʻmlik kredit mablagʻlari ajratildi, yengil konstruktsiyali issiqxona hamda asbob-uskunalar sotib olish uchun 366ta xonadonlardagi 64 nafar fuqaroga 48,9 mln. soʻmlik subsidiyalar ajratildi. Ijtimoiy himoyaga muhtojligi boʻlgan 214ta xonadonlardan 95 nafar ishsiz fuqarolarning bandligi taʼminlandi.

Maqsadimiz – faqat xizmat xonasida oʻtirmasdan, joylarga borib, aholini bezovta qilayotgan eng dolzarb masalalarning amaliy yechimi bilan shugʻullanish, xalq bilan yaqindan muloqot qilib, uning dard-u tashvishlari, hayotiy muammolarini samarali hal etish boʻyicha yangicha qarash bilan faoliyat olib borish hamda shu gʻoyani sektorimiz faoliyatining asosiy mezoniga aylantirishdir. Shundagina fuqarolarimiz uchun farovon turmush tarzi yaratilishiga, davlatimizdan rozi boʻlib yashashiga hissa qoʻshgan boʻlamiz.

J.Yusupov,

tuman IIB boshligʻi, 3-sektor rahbari.