ҲУДУД ИЖТИМОИЙ-ИҚТИСОДИЙ РИВОЖЛАНТИРИЛМОҚДА

Туман Солиқ инспекцияси томонидан туманимизда солиқ сиёсатини амалга ошириш, солиқ қонунчилигига, солиқлар ва бошқа мажбурий тўловларнинг тўғри ҳисобланишига, тўлиқ ва ўз вақтида тўланишига эришиш борасида таъсирчан саъй-ҳаракатлар амалга оширилмоқда.

Жорий йилда туман бўйича бюджет даромадларига бюджет прогнози 91072,4 млн. сўмни ташкил этиб, ҳақиқатда 99160,8 млн. сўм ундирилди ва режа 108,9 фоизга, 8088,4 млн. сўмга ортиғи билан бажарилди.

Жорий йил 4-чораги учун бюджет прогнози 22519,8 млн. сўмни ташкил этиб, ҳақиқатда 27279,4 млн. сўм ундирилиб, режа 121,1 фоизга, 4759,6 млн. сўмга ортиғи билан бажарилди.

Жорий йил декабрь учун бюджет прогнози 6452,6 млн. сўмни ташкил этиб, ҳақиқатда 6713,9 млн. сўм ундирилиб, режа 104,1 фоизга бажарилди. Шунингдек, Ўзбекистон Республикаси Президентининг 2019 йил 8 январдаги “Ҳудудларни комплекс ижтимоий-иқтисодий ривожлантириш бўйича секторлар фаолиятини янада такомиллаштиришга доир қўшимча чора-тадбирлар тўғрисида”ги Қарорларининг ижросини таъминлаш мақсадида секторлар раҳбарларига берилган вазифалардан келиб чиқиб, 4-сектор ҳудудини ижтимоий-иқтисодий ривожлантириш бўйича муайян ишлар амалга оширилди.

Бугунги кунда 4-сектор ҳудудида 8та овул, маҳаллалар бор. Уларда аҳоли сони 32 224 нафарни ташкил қилади.

2023 йилнинг 6 ойи давомида режа бўйича 29та сайёр қабул ўтказилди. Ушбу сайёр қабулларда жами 277та мурожаат келиб тушди, мурожаатларнинг 197таси қаноатлантирилиб, 45 нафарига тушунтириш берилди. Қолган 35та мурожаат ўрганиш жараёнида.

Сектор ҳудудида жорий йилда вақтинча ишсиз бўлган аёллар ва ёшларнинг 221 нафари доимий ишга жойлаштирилди. 194 нафар фуқарога 105,1 га қишлоқ хўжалиги ерларидан ижарага ер ажратиб берилди. 51 нафар ишлаш истагини билдирган вақтинча ишсиз фуқаролар жамоат ишларига жалб қилинди. 170 нафар ишсиз фуқаролар меҳнат бозорида талаб юқори бўлган касбларга ўқитилди. Хориждан қайтган 2 нафар меҳнат мигрантларининг бандлиги таъминланди. Ҳоким ёрдамчилари билан биргаликда маҳаллалардаги 348 нафар фуқароларга оилавий тадбиркорликни бошлаш учун 5 млрд. 403 млн. сўмлик кредитлар ажратилди. Шунингдек, 285 нафар ишсиз фуқароларнинг ўзини ўзи банд қилиш орқали бандлиги таъминланди.

Уй-жой, коммунал ва йўл хўжалиги, транспорт қатновини яхшилаш, ҳудудларни ободонлаштириш бўйича Тошёп овулида 1та трансформатор пункти ўрнатилди ва 2та трансформатор пункти таъмирланди, Қангли овулида 1та трансформатор пункти ўрнатилди ва 2та трансформатор пункти таъмирланди, Қумёп маҳалласида 1та трансформатор пункти ўрнатилди ва 1та трансформатор пункти таъмирланди, Намуна маҳалласида 1 км. ҳаво линияси тортилди, Навоий маҳалласида 1та, Чордара маҳалласида 1та, Бўстон маҳалласида эса 2та, Беруний маҳалласида 1та трансформатор пункти таъмирланди. Ички йўлларни яхшилаш бўйича Қангли овулида 1,960 км., Бўстон маҳалласида 4,618 км., Навоий маҳалласида 0,935 км. ички кўчаларга тош тўшалди.

12 нафар фуқарога катталар учун ногиронлар аравачаси, 5 нафар фуқарога электр юритмали кресло-аравачаси, 2 нафар вояга етмаган ногирон болага болалар аравачаси, 2 нафар фуқарога эшитиш мосламаси, 7 нафар фуқарога кўлтиқ таёқ, 12 нафар фуқарога ҳасса таёқ ва бошқада зарур воситалар берилди.

Бугунги кунда сектор ҳудудида “Темир дафтар”да 2та оила қолмоқда. Сектор томонидан шу оилаларга 1 млн. 200 минг сўмлик озиқ-овқат маҳсулотлари берилди.

Фуқаролар томонидан бевосита секторга қилинган мурожаатлар асосида шу йилнинг ўтган даври мобайнида жами 48та оилага 11 млн. сўмлик озиқ-овқат маҳсулотлари ва бошқа турдаги моддий ёрдамлар ҳомийлар томонидан етказиб берилди. 30 ёшдан юқори бўлган 6647 нафар аёллар хатловдан ўтказилиб, шундан 963 нафари “Аёллар дафтари”га киритилди. Шуларнинг 729 нафарига турли ёрдамлар кўрсатилди.

Бундан ташқари, туманнинг 4-секторида ўтказилган хатлов натижасида 3 302 нафар ёшлар билан суҳбат ўтказилиб, анкета сўровномалари тўлдирилди ва 176 нафар ёшлар “Ёшлар дафтари”га киритилди.

Бугунги кунга қадар 111 нафар ёшларимизга бандлик, ижтимоий, иқтисодий, моддий ва маънавий масалаларда амалий ёрдамлар берилди.

45 нафар ёшларга қишлоқ хўжалиги ер майдонларидан ижарага ер майдонлари ажратиб берилди, 36 нафар талаба ёшларга 99 млн. 452 минг сўмлик контракт шартнома пулининг бир қисми қоплаб берилди, 11 нафар ёшларга 33 млн. сўмлик субсидия ажратилди.

Келгуси йилда ҳам бу борадаги саъй-ҳаракатларимизни давом эттириб, сектор ҳудудини ривожлантиришга интилаверамиз.

Ж.Раҳимов,

туман Солиқ инспекцияси  бошлиғи, 4-сектор раҳбари.