Маҳаллани қўллаб-қувватлаш бўйича туман кенгашининг ташкилий йиғилиши бўлиб ўтди
2024 йил 12 декабрь куни Амударё тумани ҳокимлигининг мажлислар залида Маҳаллани қўллаб-қувватлаш бўйича Амударё туман кенгашининг ташкилий йиғилиши бўлиб ўтди.
Йиғилишда секторлар раҳбарлари, туман ҳокимининг биринчи ўринбосари Камилжан Айтбаев, туман Камбағалликни қисқартириш ва бандликка кўмаклашиш маркази бошлиғи Рашид Салаев, “Нуроний” жамғармасининг туман бўлими раиси Аширбой Қўшаев, ташкилотлар раҳбарлари, овул ва маҳалла фуқаролар йиғинлари раислари, тегишли соҳа вакиллари иштирок этдилар.
Йиғилишда Ўзбекистон Республикаси Президентининг 2023 йил 21 декабрдаги “Маҳалла институтининг жамиятдаги ролини тубдан ошириш ва унинг аҳоли муаммоларини ҳал этишда биринчи бўғин сифатида ишлашини таъминлашга қаратилган чора-тадбирлар тўғрисида”ги Фармони ҳамда “Ўзбекистон маҳаллалари уюшмаси фаолиятини йўлга қўйиш ва маҳаллаларда бошқарув тизимини такомиллаштиришга оид қўшимча чора-тадбирлар тўғрисида”ги қароридан келиб чиқадиган устувор вазифалар ижроси муҳокама этилди.
Маҳалла азалдан ҳаётимизда муҳим аҳамиятга эга бўлиб, тинчлик-осойишталик, аҳиллик ва ҳамжиҳатлик, маърифат ҳамда тарбия маскани бўлиб келган. Шуниси эътиборга моликки, бугунги кунда ҳам маҳалла одамлар ўртасида меҳр-оқибат бардавомлигини таъминлаш, миллий қадриятларимизни мустаҳкамлаш, одамларга ҳар томонлама кўмак беришда самарали фаолият олиб бораётган тузилмага айланди.
Айтиш жоизки, юқоридаги Фармон ва Қарор билан маҳаллаларни қўллаб-қувватлашни янада жадаллаштириш, маҳалла кесимида ишлашга масъул бўлган шахсларнинг фаолиятини самарали ташкил этиш ва уларнинг ҳамкорлигини таъминлаш, маҳаллаларнинг ўз фаолиятини амалга ошириши учун зарур шароитлар яратиш, уларга қонунда белгиланган вакилликларини амалга оширишига кўмаклашишга қаратилган чора-тадбирлар белгилаб берилди.
Йиғилишда туман ҳокимининг биринчи ўринбосари Камилжан Айтбаев сўзга чиқиб, Президентимизнинг яқинда қабул қилган “Маҳалла институтининг жамиятдаги ролини тубдан ошириш ва унинг аҳоли муоаммоларини ҳал этишда биринчи бўғин сифатида ишлашини таъминлашга қаратилган чора-тадбирлар тўғрисида”ги Фармони маҳаллаларни қўллаб-қувватлашни янада такомиллаштириш, маҳаллабай ишлашга маъсул бўлган шахслар фаолиятини самарали ташкил этиш ва уларнинг ҳамкорлигини таъминлашга қаратилгани билан ниҳоятда аҳамиятли бўлганлигини таъкидлаб ўтди.
Айтиш жоизки, ушбу ҳужжатга кўра, Ўзбекистон маҳаллалари уюшмасини, унинг Қорақалпоғистон Республикаси, вилоятлар ва Тошкент шаҳар бошқармалари ҳамда туман бўлимларини ташкил этиш назарда тутилган.
Маҳалланинг халқ билан давлат ўртасида кўприк вазифасини амалга оширувчи мустақил ва халқчил тузилмага айланишига кўмаклашиш, маҳаллани жамоатчилик бошқаруви ва назоратининг таянч бўғинига айлантириш, унинг жамиятдаги ўрни ва ролини кучайтириш, маҳалла бошқарувида аҳолининг фаол иштирокини таъминлаш уюшманинг асосий вазифалари этиб белгиланган.
Шунингдек, ҳар бир фуқаро ўзи ва оиласининг молиявий аҳволи ва фаровонлигини таъминлашда масъулиятини сезиши, боқимандаликка ўрганмаслиги бўйича тарғибот ва ташвиқот ишларини амалга ошириш, фуқароларни ўз уйи ва кўчасини озода сақлашга миллий қадрият ва урф-одатларни ҳурмат қилишга чақириш каби вазифалар ҳам кўзда тутилган.
Йиғилиш якунида маҳалла фуқаролар йиғинлари раислари сўзга чиқиб, Фармон ва Қарордан келиб чиқадиган долзарб вазифаларга ўз муносабатларини билдиришди.
Шундан сўнг, иштирокчилар орасидан Қорақалпоғистон Республикаси Маҳаллани қўллаб-қувватлаш кенгашининг ташкилий йиғилишида қатнашиш учун 7 нафар делегатлар сайланди.
Туман ҳокимлиги Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
