Амударё тумани ҳокимлигининг туман аҳолисига мурожаати
Азиз юртдошлар!
Хабарингиз бор, давлатимиз раҳбари шу йил март ойида Сирдарё вилоятига ташрифи давомида аҳоли даромадларини ошириш бўйича янги тажриба – давлат уй хўжаликларига ўз имкониятларини тўлиқ ишга солишга кўмаклашиши тамойилини илгари сурдилар.
Эндиликда Амударё туманини ҳам ишсизликдан ҳоли ҳудудга айлантириш, аҳоли даромадларини ошириш ва томорқадан унумли фойдаланиш мақсадида Сайхунобод тажрибаси асосида тизимли ишлар амалга оширилмоқда.
Аҳолига ҳудуддаги етакчи тадбиркорларни жалб қилган ҳолда лаёқатига мос равишда чорвачилик, паррандачилик, асаларичилик, қуёнчилик, балиқчилик, чувалчанг етиштириш ва бошқа тармоқлар билан бирга томорқа хўжалигини ривожлантириш, шунингдек, иссиқхона фаолиятини йўлга қўйиш ва бунинг натижасида ҳар бир оилага бир йилда жами 50-60 миллион сўмдан, оила аъзоларининг жон бошига ҳар ойда 1 млн сўмдан ортиқ даромад топишига кўмаклашиш чора-тадбирлари кўрилмоқда.
Маҳаллаларга бириктирилган тижорат банклари масъуллари жойлардаги ҳоким ёрдамчилари билан биргаликда ҳар бир хонадонда даромад манбаини яратиш, томорқа маданиятини шакллантириш, сабзавот-полиз маҳсулотлари етиштириш, кўчат ўтқазиш, ободонлаштириш ва кўкаламзорлаштириш, қолаверса, савдо ва хизмат кўрсатиш соҳаларида янги иш ўринлари яратиш, бўш турган бинолардан самарали фойдаланиш борасида аҳолига кўмакчи ҳисобланади.
Сиз ҳам берилаётган имкониятлардан фойдаланган ҳолда томорқангизни даромад манбаига айлантиринг! Қўшимча тармоқларни йўлга қўйиб, оилангиз бюджетини янада оширинг! Бу борада қўшимча ёрдам зарур бўлса ҳудудингиздаги ҳоким ёрдамичиларига мурожаат қилинг!
Халқ бой бўлса, мамлакат бой, қудратли бўлади. Оилангизнинг иқтисодий фаровонлигини таъминлаш орқали мамлакат тараққиётига ҳисса қўшинг!
Амударё тумани ҳокимлиги.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
