Amudaryo tumani hokimligining tuman aholisiga murojaati
Aziz yurtdoshlar!
Xabaringiz bor, davlatimiz rahbari shu yil mart oyida Sirdaryo viloyatiga tashrifi davomida aholi daromadlarini oshirish boʻyicha yangi tajriba – davlat uy xoʻjaliklariga oʻz imkoniyatlarini toʻliq ishga solishga koʻmaklashishi tamoyilini ilgari surdilar.
Endilikda Amudaryo tumanini ham ishsizlikdan holi hududga aylantirish, aholi daromadlarini oshirish va tomorqadan unumli foydalanish maqsadida Sayxunobod tajribasi asosida tizimli ishlar amalga oshirilmoqda.
Aholiga hududdagi yetakchi tadbirkorlarni jalb qilgan holda layoqatiga mos ravishda chorvachilik, parrandachilik, asalarichilik, quyonchilik, baliqchilik, chuvalchang yetishtirish va boshqa tarmoqlar bilan birga tomorqa xoʻjaligini rivojlantirish, shuningdek, issiqxona faoliyatini yoʻlga qoʻyish va buning natijasida har bir oilaga bir yilda jami 50-60 million soʻmdan, oila aʼzolarining jon boshiga har oyda 1 mln soʻmdan ortiq daromad topishiga koʻmaklashish chora-tadbirlari koʻrilmoqda.
Mahallalarga biriktirilgan tijorat banklari masʼullari joylardagi hokim yordamchilari bilan birgalikda har bir xonadonda daromad manbaini yaratish, tomorqa madaniyatini shakllantirish, sabzavot-poliz mahsulotlari yetishtirish, koʻchat oʻtqazish, obodonlashtirish va koʻkalamzorlashtirish, qolaversa, savdo va xizmat koʻrsatish sohalarida yangi ish oʻrinlari yaratish, boʻsh turgan binolardan samarali foydalanish borasida aholiga koʻmakchi hisoblanadi.
Siz ham berilayotgan imkoniyatlardan foydalangan holda tomorqangizni daromad manbaiga aylantiring! Qoʻshimcha tarmoqlarni yoʻlga qoʻyib, oilangiz byudjetini yanada oshiring! Bu borada qoʻshimcha yordam zarur boʻlsa hududingizdagi hokim yordamichilariga murojaat qiling!
Xalq boy boʻlsa, mamlakat boy, qudratli boʻladi. Oilangizning iqtisodiy farovonligini taʼminlash orqali mamlakat taraqqiyotiga hissa qoʻshing!
Amudaryo tumani hokimligi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
