Ҳоким ва масъуллар чегара ҳудуди аҳолиси билан учрашди
Амударё туманининг Уйшин маҳалласи қардош Туркманистон Республикаси билан чегара ҳудудида жойлашган. Шу боис, давлат чегараси ва чегара ҳудуди аҳолисининг дахлсизлигини таъминлаш, таклиф ва шикоятларини ўрганиш ҳамда муаммоларни ҳал қилиш мақсадида мутасадди ташкилотлар раҳбарлари ва масъул мутахассислар ҳудуд аҳолиси билан тез-тез учрашувлар ўтказиб, "Давлат чегараси тўғрисида"ги Ўзбекистон Республикаси Қонунининг мазмун-моҳияти юзасидан зарур тушунчалар бериб боришади.
Жорий йилнинг 5 июнь санасида ўтказилган навбатдаги учрашувда Амударё тумани ҳокими Собир Хўжаметов, туман Халқ қабулхонаси бўлими мудири Анвар Ўрозбоев, Мудофаа ишлари бўйича Амударё тумани бўлими бошлиғи Шерзод Муродов, 9202-ҳарбий қисм командири Дониёр Синдоров, Амударё тумани ҳокимининг чегара масалалари бўйича ёрдамчиси Камолиддин Нажимаддинов ҳамда ҳудуддаги корхона-ташкилотлар раҳбарлари ва кенг аҳоли вакиллари иштирок этдилар.
Учрашувда иштирокчиларга дастлаб “Давлат чегараси тўғрисида”ги Ўзбекистон Республикаси Қонуни ва унинг мазмун-моҳияти юзасидан зарур тушунчалар берилиб, чегара ҳудудида яшаб, деҳқончилик қилиш, чорва моллари, қўй-эчки ва паррандалар боқиш бўйича қонун-қоидалар ҳамда уларга амал қилмаслик қандай оқибатларга олиб келиши хусусида керакли маълумотлар тақдим этилди.
Айниқса, ҳар иккала давлат томонидан қатъий ҳимоя қилинадиган муҳофаза ҳудудларининг дахлсизлиги кўп жиҳатдан ушбу ҳудудда истиқомат қиладиган аҳолига боғлиқлиги, шу боис ёш болаларнинг чорва молларини муҳофаза ҳудудида боқишларига йўл қўймаслик зарурлиги таъкидланди. Шу билан бирга айрим ҳолатларда болалар ўйинга берилиб кетишлари оқибатида бўш қўйиб боқилган чорва молларининг давлат чегараси қисмининг муҳофаза ҳудудига ўтиб кетиши оқибатида жиддий муаммолар юзага келаётгани хусусида сўз юритилди.
Айтиш жоизки, Ўзбекистон Республикасининг “Давлат чегараси тўғрисида”ги Қонуни мамлакатнинг давлат чегараларини белгилаш, ўзгартириш, қўриқлаш ва ҳимоя қилиш соҳасидаги муносабатларни тартибга солиш мақсадида қабул қилинган. Ушбу қонун Ўзбекистон Республикасининг ҳудудий яхлитлигини таъминлаш, давлат суверенитетини мустаҳкамлаш ва халқаро шартномалар асосида чегараларни аниқлашга қаратилган. Қонунда давлат чегарасини белгилаш ва ўзгартириш принциплари, шунингдек, чегара ҳудудларида амалга ошириладиган назорат ва ҳимоя тадбирлари батафсил баён этилган.
Бундан ташқари, учрашув давомида Уйшин маҳалласи аҳолиси ҳаётига доир бошқа муаммоларга ҳам эътибор қаратилди. Хусусан, аҳолининг деҳқончилик қилишлари учун оқар сув етишмаётгани, натижада ҳудудда томорқа хўжалигини юритишда қийинчиликлар юзага келаётгани бўйича мурожаатлар жойида батафсил ўрганилиб, Уйшин маҳалла фуқаролар йиғини масъулларига ҳамда соҳа мутахассисларига зарур топшириқлар берилди. Шунингдек аҳолининг бошқа мурожаатлари ҳам соҳалар бўйича тегишли мутахассислар томонидан рўйхатга олиниб, уларни жойига чиққан ҳолда батафсил ўрганиш ва ҳал қилиш бўйича зарур топшириқлар берилди.
Учрашув якунида туман ҳокими Собир Хўжаметов уйшинликларга мурожаат қилиб, томорқадан унумли фойдаланиш, оилавий тадбиркорлик ва ишлаб чиқаришни йўлга қўйиш, маҳалла ҳудудида хизмат кўрсатиш соҳасида тадбиркорлик фаолиятини йўлга қўйиш орқали оила иқтисодиёти ва мамлакат тараққиётига ҳисса қўшиша чақирди.
Робия Йўлдошева.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
