ЯХШИДАН ҚОЛГАН БОҒ
Инсон қадр-қиммати аввало унинг бажарган ишларида, самимият барқ уриб турган сўзларида акс этади. Отамиздай улуғ, меҳрибон, пуръмано сўзлари билан шогирдлари қалбидан жой олган устоз Сафарбой ака Ўрозметовни бугун мактабимиз аҳли чуқур ҳурмат билан эслайди.
Сафарбой ака Ўрозметов ўзининг илк иш фаолиятини 1982 йилдан 1986 йилгача Лермонтов номли (ҳозирги 20-сонли) ўрта мактабда география фани ўқитувчиси бўлиб ишлашдан бошлаган. 1986 йил 1 сентябрдан "Ғалабанинг 40 йиллиги” номли (ҳозирги 70-сонли) мактабда география фани ўқитувчиси ва шу мактаб директори бўлиб ишлаш билан бирга янги мактаб биноси қурилишига бош-қош бўлдилар. 1990 йилдан ишга тушган янги мактаб биноси олдида 3,5 гектар ер майдони бўлиб, устоз ўзи ҳаётлигида бу ерни чаман боққа айлантирди. Икки қаватли мактаб биноси олдидаги боғда бугун турли хил мевали дарахтлар, оқ-тол-у тераклар кўкка бўй чўзган.
"Яхшидан боғ қолар”, деганларидек, Сафарбой ака яратган боғ бугун мева бермоқда, ундан барча баҳраманд. Устозимиз биз шогирдлари билан гоҳ қаттиққўл, гоҳ сирдош, гоҳида маслакдош дўст бўлиб меҳнат қилган дамларни ширин хотиралар билан ёдга оламиз.
Устоз, бугун сизни эсладик,
Ҳар синфга кириб изладик.
Номингизни меҳрга ўраб,
Меҳрингизни қўмсадик, Устоз!
Нур ёғарди юзларингиздан,
Самимият кўзларингизда.
Соғинч қолди изларингизда,
Ҳар кўнгилда яшайсиз, Устоз!
Бир кам дунё – ўрнингиз бўшдир,
Юракларда армонлар қўшдир.
Шукур айлагай кексадир, ёшдир,
Изингизда боғ қолди, Устоз!
Муҳайё ЎРИНБОЕВА, 70-сонли мактаб ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
