“Хитой” ОФЙ - Қорақалпоғистонда биринчи
2015 йил 8 август куни "Энг намунали фуқа-роларнинг ўзини ўзи бошқариш органи” кўрик-танловининг Қорақалпоғистон Республикаси босқичи бўлиб ўтди. Кўрик-танловда ҳудудий босқичларда юқори балларни тўплаб, ғолибликни қўлга киритган 16 та туманнинг энг намунали фуқаролар йиғинлари беллашдилар.
Танловнинг биринчи шартига кўра, фуқаролар йиғинлари ходимларининг иш фаолияти бўйича ҳудудда амалга ошираётган ишлари, эришилган ютуқлари, намунали иш тажрибаларига оид тақдимоти кўргазмали ахборот технологиялари воситасида намойиш этилди.
2-шартга биноан фуқароларнинг ўзини ўзи бошқариш органлари фаолиятига оид қонун ҳужжатларининг мазмун-моҳияти, улар фаолиятида учраётган турли муаммоларнинг ечимини топиш юзасидан иштирокчиларнинг билим савияси, дунёқараши синовдан ўтказилди.
Иштирокчиларнинг чиқишлари "Маҳалла” хайрия жамоат фонди ҳамда ҳамкор ташкилотлар-нинг малакали ходимларидан иборат таркибда тузилган ҳакамлар ҳайъати томонидан баҳолаб борилди.
Ҳакамлар ҳайъатининг хулосаларига кўра, туманимизнинг "Хитой” овул фуқаролар йиғини 1-ўрин соҳиби, деб топилди.
Кўрик-танлов сўнгида ғолибларга диплом ва қимматбаҳо совғалар топширилди.
Хитой овул фуқаролар йиғинига 9 сентябрда бўладиган танловнинг Ўзбекистон Республикаси босқичида ҳам омад тилаб қоламиз!
Гавҳар ЧИМБАЙЧИЕВА, фонднинг туман бўлинмаси бошқаруви бош мутахассиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
