КЎРГАЗМА ЁШЛАР ИҚТИДОРИНИ НАМОЙИШ ЭТДИ
Ўзбек халқи азал-азалдан ҳунарманд халқ саналади. Шунинг учун бўлса керак, ҳунармандчилик маҳсулотлари халқ орасида доимо қадрланиб келади. Ҳунар инсонни улуғлик сари чорлайди. Ота-боболаримиз томонидан асрлар оша айтилиб келинаётган "Ҳунар – ҳунардан ризқинг унар” нақлида эса ҳикматлар бир дунё.
Биз ўқувчилар, айниқса, қиз болалар мана шу нақлнинг нечоғлик тўғри эканлигини ва ҳунар инсон ҳаётида муҳим аҳамият касб этишини коллежимизда ёки коллеждан ташқарида ўрганаётган ҳунарларимиз асосида ҳам англаб бормоқдамиз. Бизнинг Манғит иқтисодиёт касб-ҳунар коллежимизда хотин-қизлар кенгаши мунтазам фаолият кўрсатиб келмоқда. Кенгаш таркибида бир қанча тўгараклар ташкил қилинган бўлиб, коллежимиз ўқувчи-қизларининг бу тўгаракларга фаол иштирок этишлари учун барча шарт-шароитлар яратиб берилган. Айниқса, "Ораста қизлар” тўгараги аъзолари таҳсинга сазовор ишларни амалга ошириб келмоқда. Бунда ўқитувчиларимиз - хотин-қизлар кенгаши раиси Мақсуда Полвонова, "Ораста қизлар” тўгараги раҳбари Моҳира Юсупова ва Нодира Тажимуродоваларнинг ҳиссалари катта.
Коллежимизнинг "Оилашунослик” фани ўқитувчиси, "Ораста қизлар” тўгарагининг ҳам фаол аъзоси ҳисобланган Нодира Тажимуродова коллеж ўқувчи-қизлари учун "Ораста қизлар” тўгараги ҳузурида "Моҳир қўллар” деб номланган тўқувчилик тўгарагини ташкил қилган. У ҳафтанинг дарсдан ташқари вақтларида 7-13-гуруҳи ўқувчиси Мадина Каримова ёрдамида ушбу тўгарак фаолиятини олиб бормоқда. Коллеж ўқувчи-қизлари бу тўгарак фаолиятидан жуда хурсанд. Шу сабабдан тўгаракка ўттиздан зиёд қизлар мунтазам қатнашишмоқда. "Ораста қизлар” хонасида қизлар учун барча шароитлар мавжуд. Коллеж хотин-қизлар кенгашининг яна бир ютуғи шундаки, "Ораста қизлар” хонасини коллежнинг "Ораста қизлар” ҳамда "Моҳир қўллар” тўгараги аъзолари ўз қўллари билан тўқиган ва ясаган меҳнат намуналари билан безатишган. Коллежимизда ушбу тўгаракка яна кўплаб қизларни жалб этиш ва тўгарак фаолиятини коллеждан ташқарида ҳам оммалаштириш мақсадида "Ораста қизлар” ойлиги доирасида ҳафтанинг жума – "Ораста ёшлар” кунида "Моҳир қўллар” тўгараги кўргазмаси ташкил этилди. Ушбу тўгарак кўргазмаси коллеж хотин-қизлар кенгаши раиси Мақсуда Полвонова ҳамда Моҳира Юсупова, Нодира Тажимуродовалар томонидан ташкил этилиб, унда "Олмазор” маҳалласи диний маърифат ва маънавий-ахлоқий тарбия масалалари бўйича маслаҳатчиси Гулнора Ўрозбоева меҳмон бўлди. Кўргазмада тўгарак аъзолари ўзлари тўқиган ишларини намойиш қилдилар.
Феруза ЙЎЛДОШЕВА, газетанинг жамоатчи мухбири.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
