ФУҚАРОНИНГ БУЗИЛГАН ҲУҚУҚИ ТИКЛАНДИ
Мустақиллик йилларида мамлакатимизда фуқароларнинг қонуний манфаатларини ҳимоя қилиш, муносиб меҳнат шароитларида ишлаш, кексайганида нафақага чиқишига улкан ғамхўрликлар қилинмоқда.
Қорақалпоғистон Республикаси Адлия вазирлигининг Инсон ҳуқуқларини ҳимоя қилиш бўлими томонидан фуқароларнинг бузилган ҳуқуқларини тиклаш борасида қатор ишлар амалга оширилмоқда.
Хусусан, Қорақалпоғистон Республикаси Адлия вазирлигига 2016 йил 5 апрель куни Нукус шаҳри Ж.Ўринбаев кўчаси, 126-уйда яшовчи фуқаро Ж.Қайыповнинг Бюджетдан ташқари пенсия жамғармаси Нукус шаҳар бўлими томонидан ёшга доир имтиёзли пенсияга чиқарилмагани учун норозилик билдириб ёзган мурожаати кўриб чиқилди.
Бюджетдан ташқари Пенсия жамғармаси Қорақалпоғистон Республикаси бошқармаси томонидан фуқаро Ж.Қайыповга ишлаётган Республика Вабо, карантин ва ўта хавфли юқумли касалликлар профилактикаси маркази Қорақалпоғистон Республикаси филиалининг Ўзбекистон Республикаси Адлия вазирлиги томонидан 1996 йил 28 майдаги 247-сон билан рўйхатга олинган "Меҳнат шароитларини баҳолаш ва меҳнат шароитлари бўйича иш ўринларини аттестация қилиш” услуби талабларига асосан аттестация хулосаларининг йўқлиги сабабли, ёшга доир имтиёзли пенсия тайинланмаганлиги билдирилди.
Ўрганиш жараёнида аттестация хулосаларининг йўқлиги учун фуқаро Ж.Қайыпов айбдор эмаслиги аниқланди.
Ўрганилган ҳолатлар юзасидан Қорақалпоғистон Республикаси Адлия вазирлиги томонидан Нукус туманлараро фуқаролик ишлари бўйича судига фуқаро Ж.Кайыповнинг манфаатини кўзлаб, Бюджетдан ташқари пенсия жамғармаси Нукус шаҳар бўлимининг 2016 йил 12 февралдаги 1/294-сонли қарорини хақиқий эмас, деб топиш ва фуқаро Ж.Қайыповга ёшга доир имтиёзли пенсия тайинлаш мажбуриятини юклаш тўғрисида даъво ариза киритилди. Киритилган даъво ариза суд томонидан қаноатлантирилиб, Бюджетдан ташқари пенсия жамғармаси Нукус шаҳар бўлимининг 2016 йил 12 февралдаги 1/294-сонли қарори ҳақиқий эмас, деб топилди ва фуқаро Ж.Қайыповга ёшга доир имтиёзли пенсия тайинлаш мажбурияти юклатилиб, фуқаронинг бузилган ҳуқуқлари тикланди.
Жеңис Досымбетов,
Қорақалпоғистон Республикаси Адлия вазирлигининг Инсон ҳуқуқларини ҳимоя қилиш бўлими бош маслаҳатчиси
(Фото - http://diyonat-press.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
