БУЮКЛАР ҲЕЧ ҚАЧОН ЎЛМАЙДИ!
2016 йилнинг 2 сентябрида халқимиз оғир жудоликка учради – элим, юртим деб ёниб яшаган, халқимизни бугунгидай озод, обод, фаровон ва тинч-осойишта кунларга етказган, она Ватанимиз бахту-иқболи ва буюк келажаги йўлида хизмат қилишни энг олий саодат деб билган Юртбошисидан жудо бўлди. Шу муносабат билан мамлакатимизда 2016 йилнинг 3 сентябридан уч кунлик мотам эълон қилинди. Ўзбекистон Республикасининг Биринчи Президенти Ислом Каримов вафоти муносабати билан мамлакатимизнинг барча ҳудудларида мотам маросимлари ўтказилди.
3-5 сентябрь кунлари туман ҳокимлиги биносида Ўзбекистон Республикасининг Биринчи Президенти Ислом Абдуғаниевич Каримов вафоти муносабати билан мотам маросими бўлиб ўтди. 3 сентябрь куни эрта тонгданоқ корхона, ташкилот ва таълим муассасалари вакиллари, нуронийлар ва ёшлар, ўқувчилар, кенг жамоатчилик Юртбошимизга ҳурмат-эҳтиромини изҳор этиш учун туман ҳокимлиги биносига келиб, Президентимизнинг портрети пойига гулчамбарлар қўйиб, таъзим ила ҳурмат бажо келтирдилар, "Хотира китоби”га ўзларининг дил изҳорларини, таъзияларини ёзиб қолдирдилар.
Бу ерда халқимизнинг мустақиллик йилларида Юртбошимиз раҳнамолигида эришган улкан ютуқ ва марраларини, фаровон ҳаётини акс эттирувчи суратлар, давлатимиз раҳбарининг китоблари ҳам жой олганлиги ташриф буюрувчилар қалбига ўз Президенти сиймосини яна ҳам мустаҳкам жойлади.
Азиз Отамиз, Йўлбошчимиз, бутун мамлакат болаларини ўз болам, деб суйган фидойи, бағрикенг, меҳрибон ва буюк инсон Ислом Каримов гарчи орамизда жисман йўқ бўлса-да, қалбларимизда мангу яшайди. Чунки буюклар ҳеч қачон ўлмайди!
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
