Савол беринг – жавоб қайтарамиз
Савол: – Уй-жой, кўчмас мулкларни давлат рўйхатидан ўтказиш, кадастр ҳужжатларини расмийлаштиришдан кўзланган мақсад нима ва бунинг тартиби қандай?
Махсуд, "Олмазор” маҳалласи.
Жавоб:– Бизнинг "Ер тузиш ва кўчмас мулк кадастри” давлат корхонамиз юридик ва жисмоний шахсларнинг кўчмас мулклари, яъни фойдаланиб келаётган ер участкаси, бино-иншоотлари ва кўп йиллик дарахтларга бўлган ҳуқуқларини амалдаги қонун ва низом талаблари асосида давлат рўйхатидан ўтказиш, кадастр ҳужжатларини расмийлаштиришни амалга оширади. Бундан кўзланган мақсад фуқароларимизга, тадбиркорларга ўзлари яшаётган уй-жойларга, ер участкасига, кўп йиллик дарахтларга эгалик ҳуқуқини беришдир. Бунинг учун фуқаролар бизнинг корхонамизда ташкил этилган "Бир ойна” бўлимига ариза билан мурожаат қилиб, бино, ер участкаси, кўп йиллик дарахтларга бўлган ҳуқуқини тасдиқловчи ҳужжатларини, бино ва иншоотларга ҳамда кўп йиллик дарахтларга бўлган ҳуқуқлар суднинг қарорига мувофиқ ўтган тақдирда, суднинг қарори, кўчмас мулкка бўлган ҳуқуқларини тасдиқловчи юридик ва бошқа ҳужжатларини тақдим этиши зарур.
Мурожаатлар келиб тушган куннинг ўзида бўлим томонидан юридик ва жисмоний шахс ёки уларнинг ишончли вакиллари ўртасида кадастр йиғмажилдини тайёрлаш бўйича шартнома тузилади.
Кадастр йиғмажилдини тайёрлаш муддати кадастр объектининг оддий ё мураккаблигига қараб, белгиланади ва мулк объекти кадастр йиғмажилдини тайёрлаш мураккаб бўлса, келишилган ҳолда уни тайёрлаш учун бир ойдан ортиқ вақт ҳам белгиланиши мумкин.
Саволга туман "Ер тузиш ва кўчмас мулк кадастри” давлат корхонаси раҳбари Ўктам Йўлдошев жавоб берди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
