Кўприкларни таъмирлаш ва қайтадан қуришни ЙХПТФ корхонаси бажарадими ёки бу иш ўша ҳудуддаги овул ва маҳаллаларга тегишлими?

Савол: – Кўприкларни таъмирлаш ва қайтадан қуришни ЙХПТФ корхонаси бажарадими ёки бу иш ўша ҳудуддаги овул ва маҳаллаларга тегишлими?

Жавоб: – Туманимиз бўйича умумфойдаланувдаги жами 340 км. узунликдаги давлат ва маҳаллий аҳамиятдаги 30 та йўлда 85 та кўприк мавжуд. Шундан 20 таси давлат аҳамиятидаги, қолган 65 таси маҳаллий аҳамиятдаги йўлларга тегишли. Мавжуд 85 кўприкнинг 54 таси корхонамиз балансида бўлиб қолганлари туман мелиорация ва ирригация тизими корхоналарига қарашлидир.

Кўприкларни майда ва жорий таъмирлаш мақсадида корхонамизга давлат томонидан маблағ ажратилади ва маблағ миқдорига қараб биринчи навбатда таъмирталаб кўприклар таъмирланади. Кўприкларни қайта қуриш ва тўла таъмирлаш ишларини лицензияга эга махсус кўприк тузатувчи корхоналар амалга оширади.

Ҳозирги кунда ана шундай тўла таъмирлашга муҳтож кўприкларни таъмирлаб бериш бўйича Қорақалпоғистон КХСИТФК кўприк хўжалиги корхонасига буюртма берилган.

Савол: – Йўл идораси тасарруфидаги йўллар бўйига аҳоли томонидан экилган дов-дарахтларга аҳоли эгалик қилаоладими?

Жавоб: – Ўзбекистон Республикаси, "Автомобиль йўллари тўғрисида”ги Қонунининг 24-моддасига асосан умумий фойдаланувдаги автомобиль йўлларининг ўқидан 50 м. дан кам бўлмаган масофада автомобиль йўлига туташ ер участкаларининг мулкдорлари, эгалари ва улардан фойдаланувчилар ажратилган минтақада қурилиш материаллари, тош, шох-шабба ва ахлат уюмлари тўпланишига йўл қўймасликлари, агарда йўл ёқасига дарахтлар экилган бўлса уларни асраш ва сақлашга кўмаклашишлари шарт.

Аҳоли автомобиль йўллари учун ажратилган минтақадан фойдаланмоқчи бўлса, йўл эгаси бўлган корхона билан келишиб, доимий иморат ёки қўшимча қурилиш ишлари қилмаслик шарти билан бир йиллик экинлар экиб фойдаланиши мумкин.

Саволларга туман ЙХПТФ корхонаси бошлиғи А.КАМОЛОВ жавоб берди.