МАҲАЛЛАЛАР НУФУЗИ ЯНАДА ОШАДИ
Мустақиллик йилларида маҳалла институти дунё халқлари ҳавасини келтиргулик даражада тараққий этди. Халқимиз маҳалланинг ободлиги – она юрт ободлиги, кўнгиллар ободлиги мезони эканини ўз турмуш тарзларида ифода этишга одатландилар. Бугунги маҳалла она Ватаннинг таянч қўрғонига айланди. Чунки ўзбек маҳаллаларида ҳамма бири-бирини танийди, бири-бирига қон-қардош, қариндош, бирининг оғирига бири елка тутиб, аҳил-иноқ яшашади. Ана шу аҳилликдан ранг олган Ватан тинч-осойишта.
"Маҳалла институтини янада такомиллаштириш чора-тадбирлари тўғрисида”ги Ўзбекистон Республикаси Президенти Фармони маҳаллаларда янада соғлом маънавий муҳитни шакллантириш, фуқаролар ўзини ўзи бошқариш органларининг маҳаллий аҳамиятга молик масалаларни самарали ҳал қилишдаги ролини оширишда муҳим аҳамият касб этди.
Фармонда ёшларни маънан етук, жисмонан соғлом қилиб тарбиялаш, биринчи галда уларнинг бандлигини таъминлаш, турли мафкуравий таҳдидлардан ҳимоялаш, кексаларни ижтимоий қўллаб-қувватлаш, жамоат тартибини сақлаш, ҳуқуқбузарликларнинг олдини олиш борасида фуқаролик жамиятининг бошқа институтлари билан ўзаро ҳамкорлигини янада кучайтириш, фуқароларда қонун устуворлигига ишонч ва ҳурмат ҳиссини уйғотишда маҳаллаларнинг бевосита иштирокини янада кенгайтириш масалалари кўзда тутилгани алоҳида эътиборга молик.
Айниқса, ёшлар тарбияси билан боғлиқ масалаларни ҳал этиш мақсадида Республика Кенгашида ташкилий ишлар ва услубий масалалар бўйича раис ўринбосари, ҳудудий Кенгашларда ёшлар ишлари, диний-маърифий масалалар, кексалар ва фахрийлар ишлари бўйича раис ўринбосарлари лавозимлари, фуқароларнинг ўзини ўзи бошқариш органларида жамоатчилик асосида фаолият юритадиган маҳалла фуқаролар йиғини раисининг ўринбосари – ёшлар масалалари бўйича маслаҳатчи лавозимининг жорий этилиши айни муддао бўлди. Бундан ташқари, Президент Фармонида белгилаб қўйилганидек, эндиликда ўзини ўзи бошқариш органларининг моддий техника базаси яхшиланиб, маъмурий биноларини реконструкция қилиш, зарур бўлган ҳолатларда янгидан қуриш, ишда юксак натижаларга эришган маҳалла фаолларини тақдирлаш мақсадида "Маҳалла ифтихори” кўкрак нишонининг таъсис этилиши мамлакатимизда маҳалла институтининг давлат органлари ва фуқаролик жамияти бошқа институтлари билан ҳамкорлигини янада мустаҳкамлашда муҳим аҳамият касб этади.
Рашид ЕРЛАПАСОВ,
"Куюк кўпир”
ОФЙ раиси,
халқ депутатлари туман Кенгаши депутати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
