MAHALLALAR NUFUZI YaNADA OShADI
Mustaqillik yillarida mahalla instituti dunyo xalqlari havasini keltirgulik darajada taraqqiy etdi. Xalqimiz mahallaning obodligi – ona yurt obodligi, koʻngillar obodligi mezoni ekanini oʻz turmush tarzlarida ifoda etishga odatlandilar. Bugungi mahalla ona Vatanning tayanch qoʻrgʻoniga aylandi. Chunki oʻzbek mahallalarida hamma biri-birini taniydi, biri-biriga qon-qardosh, qarindosh, birining ogʻiriga biri yelka tutib, ahil-inoq yashashadi. Ana shu ahillikdan rang olgan Vatan tinch-osoyishta.
"Mahalla institutini yanada takomillashtirish chora-tadbirlari toʻgʻrisida”gi Oʻzbekiston Respublikasi Prezidenti Farmoni mahallalarda yanada sogʻlom maʼnaviy muhitni shakllantirish, fuqarolar oʻzini oʻzi boshqarish organlarining mahalliy ahamiyatga molik masalalarni samarali hal qilishdagi rolini oshirishda muhim ahamiyat kasb etdi.
Farmonda yoshlarni maʼnan yetuk, jismonan sogʻlom qilib tarbiyalash, birinchi galda ularning bandligini taʼminlash, turli mafkuraviy tahdidlardan himoyalash, keksalarni ijtimoiy qoʻllab-quvvatlash, jamoat tartibini saqlash, huquqbuzarliklarning oldini olish borasida fuqarolik jamiyatining boshqa institutlari bilan oʻzaro hamkorligini yanada kuchaytirish, fuqarolarda qonun ustuvorligiga ishonch va hurmat hissini uygʻotishda mahallalarning bevosita ishtirokini yanada kengaytirish masalalari koʻzda tutilgani alohida eʼtiborga molik.
Ayniqsa, yoshlar tarbiyasi bilan bogʻliq masalalarni hal etish maqsadida Respublika Kengashida tashkiliy ishlar va uslubiy masalalar boʻyicha rais oʻrinbosari, hududiy Kengashlarda yoshlar ishlari, diniy-maʼrifiy masalalar, keksalar va faxriylar ishlari boʻyicha rais oʻrinbosarlari lavozimlari, fuqarolarning oʻzini oʻzi boshqarish organlarida jamoatchilik asosida faoliyat yuritadigan mahalla fuqarolar yigʻini raisining oʻrinbosari – yoshlar masalalari boʻyicha maslahatchi lavozimining joriy etilishi ayni muddao boʻldi. Bundan tashqari, Prezident Farmonida belgilab qoʻyilganidek, endilikda oʻzini oʻzi boshqarish organlarining moddiy texnika bazasi yaxshilanib, maʼmuriy binolarini rekonstruktsiya qilish, zarur boʻlgan holatlarda yangidan qurish, ishda yuksak natijalarga erishgan mahalla faollarini taqdirlash maqsadida "Mahalla iftixori” koʻkrak nishonining taʼsis etilishi mamlakatimizda mahalla institutining davlat organlari va fuqarolik jamiyati boshqa institutlari bilan hamkorligini yanada mustahkamlashda muhim ahamiyat kasb etadi.
Rashid YeRLAPASOV,
"Kuyuk koʻpir”
OFY raisi,
xalq deputatlari tuman Kengashi deputati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
