БОШЛАНFИЧ ТАШКИЛОТЛАР – “КАМОЛОТ”НИНГ ТАЯНЧИ
Ёшларнинг ҳақиқий таянчи ва кўмакчиси бўлган "Камолот” ёшлар ижтимоий ҳаракати мамлакатимизнинг ёшларга оид давлат сиёсатини амалга оширишда фаол иштирок этмоқда. Келажагимиз эгаларини ҳар томонлама баркамол қилиб вояга етказиш, уларни ташкилот фаолиятига жалб қилишда таълим муассасаларидаги бошланғич ташкилотларнинг ҳам алоҳида ўрни бор. Мазкур бошланғич ташкилотлар етакчиларининг билим ва кўникмаларини янада ошириш, улар орасидан энг илғорларини танлаб олиш мақсадида яқинда "Камолот” ёшлар ижтимоий ҳаракатининг умумий ўрта таълим мактабларидаги бошланғич ташкилотлари етакчилари учун ҳудудий ўқув семинари ва "Энг намунали бошланғич ташкилот” танлови бўлиб ўтди.
Семинарда ташкилот олдида турган долзарб масалалар, уларни бажаришда бошланғич ташкилотларнинг ўрни, ташкилотнинг мақсад ҳамда режаларини рўёбга чиқаришда етакчиларнинг вазифалари ҳақида сўз борди. Семинарда иштирокчиларга маънавий-маърифий ишлар самарадорлигини ошириш, ўқувчи-ёшлар ўртасида соғлом муҳит яратишга, уларнинг бўш вақтларини мазмунли ўтказишга кўмаклашиш каби вазифалар топширилди.
"Энг намунали бошланғич ташкилот” танловининг умумтаълим мактаблари ўртасидаги туман босқичида энг тажрибали ва илғорлар сараланди. Ҳакамлар ҳайъатининг хулосаларига кўра, 4-сонли мактаб бошланғич ташкилоти танловнинг туман босқичи ғолиби деб топилди. 1-сонли мактаб иккинчи, 30-сонли мактабнинг бошланғич ташкилоти эса учинчи ўринни эгаллади. Ғолибларга "Камолот” ЁИҲнинг туман Кенгаши томонидан Фахрий ёрлиқ ва эсдалик совғалари ҳамда кўрик-танловнинг навбатдаги босқичига йўлланмалар топширилди.
Мансур ЎРОЗБОЕВ,
"Камолот” ЁИҲ туман Кенгаши раиси.
(Фото - gazeta.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
