ТАДБИРКОРЛИК РИВОЖИ УЧУН ҚЎШИМЧА КАФОЛАТЛАР
2016 йил 29 декабрда "Тадбиркорлик фаолиятининг жадал ривожланишини таъминлашга, хусусий мулкни ҳар томонлама ҳимоя қилишга ва ишбилармонлик муҳитини сифат жиҳатидан яхшилашга доир қўшимча чора-тадбирлар қабул қилинганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғгрисида”ги Ўзбекистон Республикаси Қонуни қабул қилинди.
Янги Қонун тадбиркорлик субъектлари фаолиятини асоссиз аралашувлардан ишончли кафолатлаш билан бирга, жиноят ишлари бўйича тафтишлар ўтказишни процессуал жиҳатдан аниқ тартибга солиши билан аҳамиятлидир.
Қонунда молиявий-хўжалик фаолиятини амалга ошириш чоғида биринчи марта ҳуқуқбузарлик содир этган тадбиркорлик субъектларини ва уларнинг ходимларини, шунингдек, давлат рўйхатидан ўтказмаган холда тадбиркорлик фаолиятини амалга оширган шахсларни, агар етказилган зарарнинг ўрни улар томонидан қопланган ва ҳуқуқбузарлик оқибатлари ихтиёрий равишда бартараф этилган тақдирда жавобгарликнинг барча турларидан озод этиш, тадбиркорлик субъектларига нисбатан тадбиркорлик фаолияти билан шуғулланиш ҳуқуқидан маҳрум этиш тарзидаги жиноий жазони қўллашга тақиқ белгилаш назарда тутилган.
Ушбу қоидалар тадбиркорлик субъектларини икки томонлама жазолашни бартараф этибгина қолмай, балки илк бор ҳуқуқбузарлик содир этган ва ўз айбини англаб етган фуқароларга ҳеч қандай салбий оқибатларсиз яна фаолиятини давом эттириш имкониятини беради. Қонунда бир қатор қонунчилик ҳужжатларига муқобил текширувларнинг барча турларини, жумладан, жиноят ишлари бўйича муқобил текширишларнинг барча турларини бекор қилишга тааллуқли тузатишлар киритилган. Бу тадбиркорлик субъектларини режадан ташқари текширишларнинг олдини олади. Мамлакатимизда хусусий мулкни ва ишбилармонлик фаолиятини янада ривожлантиришга хизмат қилади.
Ҳуқуқий ҳужжат иқтисодиётимизни либераллаштириш ва бозор муносабатларини янада чуқурлаштириш орқали халқимиз фаровонлигини таъминлаш ва қонун ижроси устидан самарали назорат ўрнатишда Парламентнинг ваколати ва масъулиятини янада оширишга хизмат қилади.
Т.Асенбаев, Қорақалпоғистон Республикаси хўжалик судининг судьяси.
Фото: ЎзА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
