TADBIRKORLIK RIVOJI UChUN QOʻShIMChA KAFOLATLAR
2016 yil 29-dekabrda "Tadbirkorlik faoliyatining jadal rivojlanishini taʼminlashga, xususiy mulkni har tomonlama himoya qilishga va ishbilarmonlik muhitini sifat jihatidan yaxshilashga doir qoʻshimcha chora-tadbirlar qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻgrisida”gi Oʻzbekiston Respublikasi Qonuni qabul qilindi.
Yangi Qonun tadbirkorlik subʼektlari faoliyatini asossiz aralashuvlardan ishonchli kafolatlash bilan birga, jinoyat ishlari boʻyicha taftishlar oʻtkazishni protsessual jihatdan aniq tartibga solishi bilan ahamiyatlidir.
Qonunda moliyaviy-xoʻjalik faoliyatini amalga oshirish chogʻida birinchi marta huquqbuzarlik sodir etgan tadbirkorlik subʼektlarini va ularning xodimlarini, shuningdek, davlat roʻyxatidan oʻtkazmagan xolda tadbirkorlik faoliyatini amalga oshirgan shaxslarni, agar yetkazilgan zararning oʻrni ular tomonidan qoplangan va huquqbuzarlik oqibatlari ixtiyoriy ravishda bartaraf etilgan taqdirda javobgarlikning barcha turlaridan ozod etish, tadbirkorlik subʼektlariga nisbatan tadbirkorlik faoliyati bilan shugʻullanish huquqidan mahrum etish tarzidagi jinoiy jazoni qoʻllashga taqiq belgilash nazarda tutilgan.
Ushbu qoidalar tadbirkorlik subʼektlarini ikki tomonlama jazolashni bartaraf etibgina qolmay, balki ilk bor huquqbuzarlik sodir etgan va oʻz aybini anglab yetgan fuqarolarga hech qanday salbiy oqibatlarsiz yana faoliyatini davom ettirish imkoniyatini beradi. Qonunda bir qator qonunchilik hujjatlariga muqobil tekshiruvlarning barcha turlarini, jumladan, jinoyat ishlari boʻyicha muqobil tekshirishlarning barcha turlarini bekor qilishga taalluqli tuzatishlar kiritilgan. Bu tadbirkorlik subʼektlarini rejadan tashqari tekshirishlarning oldini oladi. Mamlakatimizda xususiy mulkni va ishbilarmonlik faoliyatini yanada rivojlantirishga xizmat qiladi.
Huquqiy hujjat iqtisodiyotimizni liberallashtirish va bozor munosabatlarini yanada chuqurlashtirish orqali xalqimiz farovonligini taʼminlash va qonun ijrosi ustidan samarali nazorat oʻrnatishda Parlamentning vakolati va masʼuliyatini yanada oshirishga xizmat qiladi.
T.Asenbayev, Qoraqalpogʻiston Respublikasi xoʻjalik sudining sudyasi.
Foto: OʻzA
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
