ИЖТИМОИЙ-МАЪНАВИЙ МУҲИТ БАРҚАРОРЛИГИНИ ТАЪМИНЛАШ ЙЎЛИДА
Огоҳлик ҳар бир инсоннинг турмуш тарзидан ўрин олмоғи керак. Огоҳ инсон нафақат тинч-осойишта ҳаёт кечиради, балки атрофидагиларнинг, жамиятнинг ҳам тинчлигини таъминлашга ҳисса қўшади. 4 апрель куни туман ҳокимлигида бўлиб ўтган ижтимоий-маънавий муҳитни янада барқарорлаштириш, миллий ва умуммиллий қадриятларни асраб-авайлаш, ёшларни маънавий бой ва жисмонан соғлом этиб тарбиялаш, жамоат тартиби ва хавфсизлигини таъминлаш бўйича ўтказилган мажлисда ҳам бу фикрлар яна бир карра эътироф этилди.
Мажлисда туман ҳокимининг ўринбосарлари, бош мутахассислари, ҳуқуқни муҳофаза этиш органлари ходимлари, ўрта махсус касб-ҳунартаълими муассасалари ва жамоат ташкилотлари раҳбарлари, овул ва маҳалла фуқаролар йиғинлари раислари, диний маърифат ва маънавий-ахлоқий тарбия масалалари бўйича маслаҳатчилар, шунингдек, чет давлатларга чиқиб келганлар, қидирувда бўлганларнинг яқинлари, нотинч оилаларнинг ота-оналари ҳам иштирок этдилар.
Мажлис кун тартибидаги масаланинг долзарблиги эътиборга олинган ҳолда Республикамиз раҳбариятидан ташриф буюрган Ўзбекистон Республикаси Хотин-қизлар қўмитаси раисининг ўринбосари Озода Парпибоева, Ўзбекистон Республикаси "Маҳалла” жамоат фонди раисининг ўринбосари Зафаржон Рўзиев, Қорақалпоғистон Республикаси хотин-қизлар қўмитаси раиси Зуҳра Ибрагимова, Ўзбекистон Республикаси Касаба уюшмалари Қорақалпоғистон Республикаси Кенгаши раиси Улуғбек Жалменовлар ўз маърузалари билан иштирок этдилар.
Мажлисни Қорақалпоғистон Республикаси Вазирлар Кенгаши раисининг ўринбосари, хотин-қизлар қўмитаси раиси Зуҳра Ибрагимов очди ва бугунги кунда дунёда рўй бераётган глобал муаммоларга кенг тўхталди. Айниқса, ўсиб келаётган ёш авлодни диний-экстремистик оқимлар, миссионерлик ҳаракатлари таъсиридан ҳимоя қилиш, ёшларнинг бўш вақтларини мазмунли ўтказишлари учун зарур шарт-шароитлар яратиш, таълим муассасаларида юз фоиз давоматга эришган ҳолда, таълим сифатини ошириш, коллеж ва академик лицей битирувчиси бўлган ҳар бир йигит-қизнинг иш билан бандлигини таъминлаш, ёш оилалар ўртасидаги ажримларни камайтириш масалалари кечиктириб бўлмайдиган вазифалар эканлигини таъкидлади.
Мажлисда сўзга чиққан Ўзбекистон хотин-қизлар қўмитаси раисининг ўринбосари Озода Парпибоева туманда ёш оилалар билан ишлашиш, хотин-қизлар, айниқса, аҳолининг уюшмаган қатлами ўртасида хусусий тадбиркорликни ривожлантириш ва шу асосда уларнинг иш билан бандлигини таъминлаш, ёш оилалар ўртасида ажримларни камайтириш мақсадида маҳалла кайвониларини жалб қилган ҳолда "Қайноналар комиссиялари” ишини жонлантириш, хотин-қизлар ўртасида жиноятчиликнинг, ўз жонига қасд қилиш каби иллатларнинг олдини олиш борасида етарли даражада иш олиб борилмаётганини таъкидлади. Бу борадаги камчиликларни бартараф этиш юзасидан зарур тавсиялар берди.
Мажлис давомида диний-экстремистик оқим таъсирига тушиб қолган айрим билимсиз ёшларнинг хатти-ҳаракатлари, фарзандлари тарбиясига лоқайд ота-оналарнинг афсус-надоматлари, одам савдоси қурбонига айланган ёшлар қисмати ҳақида ҳикоя қилувчи видеороликлар намойиш этилди. Ушбу видеороликлар орқали мажлис иштирокчилари лоқайдлик инсонни қанчалик маънавий ҳалокат сари етаклашини англадилар.
Кенгайтирилган тартибда ўтказилган мажлисда Қорақалпоғистон Республикаси Вазирлар Кенгаши раисининг ўринбосари, Хотин-қизлар қўмитаси раиси Зуҳра Ибрагимова нутқ сўзлади ва барча ота-оналарни, таълим муассасалари раҳбарларини, ёшларни ҳар лаҳза огоҳ яшашга даъват этди. Мажлисда кўрилган масала юзасидан тегишли қарор қабул қилинди.
Туман ҳокимлигининг ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
