IJTIMOIY-MAʼNAVIY MUHIT BARQARORLIGINI TAʼMINLASh YOʻLIDA
Ogohlik har bir insonning turmush tarzidan oʻrin olmogʻi kerak. Ogoh inson nafaqat tinch-osoyishta hayot kechiradi, balki atrofidagilarning, jamiyatning ham tinchligini taʼminlashga hissa qoʻshadi. 4-aprel kuni tuman hokimligida boʻlib oʻtgan ijtimoiy-maʼnaviy muhitni yanada barqarorlashtirish, milliy va umummilliy qadriyatlarni asrab-avaylash, yoshlarni maʼnaviy boy va jismonan sogʻlom etib tarbiyalash, jamoat tartibi va xavfsizligini taʼminlash boʻyicha oʻtkazilgan majlisda ham bu fikrlar yana bir karra eʼtirof etildi.
Majlisda tuman hokimining oʻrinbosarlari, bosh mutaxassislari, huquqni muhofaza etish organlari xodimlari, oʻrta maxsus kasb-hunartaʼlimi muassasalari va jamoat tashkilotlari rahbarlari, ovul va mahalla fuqarolar yigʻinlari raislari, diniy maʼrifat va maʼnaviy-axloqiy tarbiya masalalari boʻyicha maslahatchilar, shuningdek, chet davlatlarga chiqib kelganlar, qidiruvda boʻlganlarning yaqinlari, notinch oilalarning ota-onalari ham ishtirok etdilar.
Majlis kun tartibidagi masalaning dolzarbligi eʼtiborga olingan holda Respublikamiz rahbariyatidan tashrif buyurgan Oʻzbekiston Respublikasi Xotin-qizlar qoʻmitasi raisining oʻrinbosari Ozoda Parpiboyeva, Oʻzbekiston Respublikasi "Mahalla” jamoat fondi raisining oʻrinbosari Zafarjon Roʻziyev, Qoraqalpogʻiston Respublikasi xotin-qizlar qoʻmitasi raisi Zuhra Ibragimova, Oʻzbekiston Respublikasi Kasaba uyushmalari Qoraqalpogʻiston Respublikasi Kengashi raisi Ulugʻbek Jalmenovlar oʻz maʼruzalari bilan ishtirok etdilar.
Majlisni Qoraqalpogʻiston Respublikasi Vazirlar Kengashi raisining oʻrinbosari, xotin-qizlar qoʻmitasi raisi Zuhra Ibragimov ochdi va bugungi kunda dunyoda roʻy berayotgan global muammolarga keng toʻxtaldi. Ayniqsa, oʻsib kelayotgan yosh avlodni diniy-ekstremistik oqimlar, missionerlik harakatlari taʼsiridan himoya qilish, yoshlarning boʻsh vaqtlarini mazmunli oʻtkazishlari uchun zarur shart-sharoitlar yaratish, taʼlim muassasalarida yuz foiz davomatga erishgan holda, taʼlim sifatini oshirish, kollej va akademik litsey bitiruvchisi boʻlgan har bir yigit-qizning ish bilan bandligini taʼminlash, yosh oilalar oʻrtasidagi ajrimlarni kamaytirish masalalari kechiktirib boʻlmaydigan vazifalar ekanligini taʼkidladi.
Majlisda soʻzga chiqqan Oʻzbekiston xotin-qizlar qoʻmitasi raisining oʻrinbosari Ozoda Parpiboyeva tumanda yosh oilalar bilan ishlashish, xotin-qizlar, ayniqsa, aholining uyushmagan qatlami oʻrtasida xususiy tadbirkorlikni rivojlantirish va shu asosda ularning ish bilan bandligini taʼminlash, yosh oilalar oʻrtasida ajrimlarni kamaytirish maqsadida mahalla kayvonilarini jalb qilgan holda "Qaynonalar komissiyalari” ishini jonlantirish, xotin-qizlar oʻrtasida jinoyatchilikning, oʻz joniga qasd qilish kabi illatlarning oldini olish borasida yetarli darajada ish olib borilmayotganini taʼkidladi. Bu boradagi kamchiliklarni bartaraf etish yuzasidan zarur tavsiyalar berdi.
Majlis davomida diniy-ekstremistik oqim taʼsiriga tushib qolgan ayrim bilimsiz yoshlarning xatti-harakatlari, farzandlari tarbiyasiga loqayd ota-onalarning afsus-nadomatlari, odam savdosi qurboniga aylangan yoshlar qismati haqida hikoya qiluvchi videoroliklar namoyish etildi. Ushbu videoroliklar orqali majlis ishtirokchilari loqaydlik insonni qanchalik maʼnaviy halokat sari yetaklashini angladilar.
Kengaytirilgan tartibda oʻtkazilgan majlisda Qoraqalpogʻiston Respublikasi Vazirlar Kengashi raisining oʻrinbosari, Xotin-qizlar qoʻmitasi raisi Zuhra Ibragimova nutq soʻzladi va barcha ota-onalarni, taʼlim muassasalari rahbarlarini, yoshlarni har lahza ogoh yashashga daʼvat etdi. Majlisda koʻrilgan masala yuzasidan tegishli qaror qabul qilindi.
Tuman hokimligining axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
