ЭЪТИБОР ВА МУРУВВАТДАН МИННАТДОР ДИЛЛАР
Комил Алламберганов, "Янгиобод” маҳалласидан:
– Ҳар бир ота-она фарзандини бахтликўришни, ҳаётини тўкис, фаровон қилишни истайди. Ана шу эзгу ниятини амалга ошириш учун интилиб яшайди. Лекин орзу-ҳавас бошқа-ю, ҳаёт бошқа. Айрим сабабларга кўра ўғлим Исмоилов Сардорни уйлантириш борасида камхаржроқ бўлиб қолдик. Энг аввало, Ўзбекистон Касаба уюшмалари федерациясининг чексиз ғамхўрлиги, жамоат ташкилотларининг беминнат ёрдами туфайли бугун биз келин тушириш бахтига муяссар бўлаётирмиз. Умримиз бино бўлиб бундайин меҳр ва эътиборни кўрмаган эдик.
Халқимиз бекорга: "бир болага етти маҳалла ота-она”, деган ҳикматни яратмаган. Мана шу ҳикматнинг тўла-тўкис исботини ўз оиламга кўрсатилаётган эътибор ва мурувват мисолида яққол кўриб турибман. Бизнинг мушкулимизга елка тутиб, қувончимизга ошно бўлиб, фарзандларимизга бахт-саодат тилаётган, янги оила қураётган фарзандимиз учун уйимизни ясатиб, тўй дастурхонимизни безатиб, ўзлари тўйбоши бўлиб турган давлатимиз, жамиятимиздан, туманимиз раҳбарларидан, маҳалламиз фаолларидан миннатдормиз.
Оиламизга кўрсатилаётган оталарча ғамхўрлик, фарзандларимиз бахт-саодатини ўйлаб қилинаётган меҳр-мурувват учун чин дилдан қувончдамиз.
Шуни мамнуният билан айтишни истардикки, бугун ҳаётга мустақил қадам қўяётган ёш оилалар қатори бизнинг фарзандларимиз ҳам она Ўзбекистонимизнинг гуллаб-яшнаши учун камарбаста, эл-юрт хизматига шай, истиқлол ғояларига садоқатли, эътиқоди мустаҳкам инсонлар сифатида ҳурмат-эътиборга муносиб яшайдилар ва меҳнат қиладилар.
***
Хуршид Қурбониёзов, "Тўлқин” овулидан:
– Бугун бизнинг ҳаётимизда энг қувончли кун – мустақил ҳаёт сари илк қадам қўймоқдамиз. Ушбу ҳаяжонли лаҳзаларда муҳтарам Президентимиз Шавкат Миромонович Мирзиёевнинг халқ орасига кириб, оддий инсонлар даврасидаги мулоқотларидан бирида айтган гаплари беихтиёр ёдимизга тушади:
– Дунёга келган ҳар бир фарзанд, энг аввало, давлатники, Ўзбекистонники, унинг соғлом дунёга келиши, ўсиб-улғайиши, таълим-тарбия олиши учун давлат энг фидойи ғамхўр.
Мана, бизнинг никоҳимиз, янги оила сифатида шаклланишимиз учун жон куйдириб, тўйимизга бош бўлиб турган Ўзбекистон Касаба уюшмалари федерациясига, кенг жамоатчиликка чин дилдан миннатдорчилик билдирамиз.
Биз мустақил Ватан ичра кичик Ватан қурдик ва келажакда, бугундан бошланаётган бахтли кунларимизни давом эттириб, мустаҳкам оила қўрғонини яратишга, давлатимиз ғамхўрлигига жавобан, маҳаллада, эл-юртда ибратли инсонлар сифатида ҳаётда ўз ўрнимизни топиб яшашга интиламиз.
Бобомерос қадрият, урф-одат ва анъаналар, юртдошларимизнинг меҳр-мурувватидан янада файзга, қувончга тўлган тўйхонамиз, хонадонимиздан бир умр яхшилар қадами узилмасин, кексалар айтмоқчи, бизнинг хизматимиз меҳр-муҳаббатимиз эл-юртга, жонажон Ватанимизга буюрсин!
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
