EʼTIBOR VA MURUVVATDAN MINNATDOR DILLAR
Komil Allamberganov, "Yangiobod” mahallasidan:
– Har bir ota-ona farzandini baxtlikoʻrishni, hayotini toʻkis, farovon qilishni istaydi. Ana shu ezgu niyatini amalga oshirish uchun intilib yashaydi. Lekin orzu-havas boshqa-yu, hayot boshqa. Ayrim sabablarga koʻra oʻgʻlim Ismoilov Sardorni uylantirish borasida kamxarjroq boʻlib qoldik. Eng avvalo, Oʻzbekiston Kasaba uyushmalari federatsiyasining cheksiz gʻamxoʻrligi, jamoat tashkilotlarining beminnat yordami tufayli bugun biz kelin tushirish baxtiga muyassar boʻlayotirmiz. Umrimiz bino boʻlib bundayin mehr va eʼtiborni koʻrmagan edik.
Xalqimiz bekorga: "bir bolaga yetti mahalla ota-ona”, degan hikmatni yaratmagan. Mana shu hikmatning toʻla-toʻkis isbotini oʻz oilamga koʻrsatilayotgan eʼtibor va muruvvat misolida yaqqol koʻrib turibman. Bizning mushkulimizga yelka tutib, quvonchimizga oshno boʻlib, farzandlarimizga baxt-saodat tilayotgan, yangi oila qurayotgan farzandimiz uchun uyimizni yasatib, toʻy dasturxonimizni bezatib, oʻzlari toʻyboshi boʻlib turgan davlatimiz, jamiyatimizdan, tumanimiz rahbarlaridan, mahallamiz faollaridan minnatdormiz.
Oilamizga koʻrsatilayotgan otalarcha gʻamxoʻrlik, farzandlarimiz baxt-saodatini oʻylab qilinayotgan mehr-muruvvat uchun chin dildan quvonchdamiz.
Shuni mamnuniyat bilan aytishni istardikki, bugun hayotga mustaqil qadam qoʻyayotgan yosh oilalar qatori bizning farzandlarimiz ham ona Oʻzbekistonimizning gullab-yashnashi uchun kamarbasta, el-yurt xizmatiga shay, istiqlol gʻoyalariga sadoqatli, eʼtiqodi mustahkam insonlar sifatida hurmat-eʼtiborga munosib yashaydilar va mehnat qiladilar.
***
Xurshid Qurboniyozov, "Toʻlqin” ovulidan:
– Bugun bizning hayotimizda eng quvonchli kun – mustaqil hayot sari ilk qadam qoʻymoqdamiz. Ushbu hayajonli lahzalarda muhtaram Prezidentimiz Shavkat Miromonovich Mirziyoyevning xalq orasiga kirib, oddiy insonlar davrasidagi muloqotlaridan birida aytgan gaplari beixtiyor yodimizga tushadi:
– Dunyoga kelgan har bir farzand, eng avvalo, davlatniki, Oʻzbekistonniki, uning sogʻlom dunyoga kelishi, oʻsib-ulgʻayishi, taʼlim-tarbiya olishi uchun davlat eng fidoyi gʻamxoʻr.
Mana, bizning nikohimiz, yangi oila sifatida shakllanishimiz uchun jon kuydirib, toʻyimizga bosh boʻlib turgan Oʻzbekiston Kasaba uyushmalari federatsiyasiga, keng jamoatchilikka chin dildan minnatdorchilik bildiramiz.
Biz mustaqil Vatan ichra kichik Vatan qurdik va kelajakda, bugundan boshlanayotgan baxtli kunlarimizni davom ettirib, mustahkam oila qoʻrgʻonini yaratishga, davlatimiz gʻamxoʻrligiga javoban, mahallada, el-yurtda ibratli insonlar sifatida hayotda oʻz oʻrnimizni topib yashashga intilamiz.
Bobomeros qadriyat, urf-odat va anʼanalar, yurtdoshlarimizning mehr-muruvvatidan yanada fayzga, quvonchga toʻlgan toʻyxonamiz, xonadonimizdan bir umr yaxshilar qadami uzilmasin, keksalar aytmoqchi, bizning xizmatimiz mehr-muhabbatimiz el-yurtga, jonajon Vatanimizga buyursin!
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
