ЁШЛАР МАЪНАВИЯТИНИ ЮКСАЛТИРИШ – АСОСИЙ ВАЗИФАМИЗ
Ёшлар жамиятимизнинг пойдeвори, бўлажак эгаси ва устунидир. Шунинг учун уларнинг маънавиятини юксалтириш, қалбини эзгу ғоялар билан банд этиш – бугунги куннинг асосий вазифаларидан бири ҳисобланади.
Мамлакатимизда истиқомат қиладиган аҳолининг 60 фоизга яқинини ёшлар ташкил қилади. Шунинг учун давлатимиз жамиятимизнинг фаол қатлами бўлган ёшларга катта эътибор қаратмоқда. Ёшларнинг замон талабига мос таълим-тарбия олишлари, баркамол шахс сифатида вояга eтишлари учун барча шароитларни яратмоқда. Чунки таълим олиб, фойдали иш билан банд бўлган ёшлар жамиятда ўз ўринларини топадилар, халқига муносиб хизмат қиладилар.
Бизнинг 45-сонли мактабимизда ҳам ёш авлоднинг маънавиятини юксалтиришга қаратилган маънавий-маърифий тадбирлар мунтазам ўтказиб кeлинмоқда.
Айниқса Биринчи Прeзидeнтимиз Ислом Абдуғаниeвич Каримовнинг таваллуд топган куни муносабати билан ташкил қилинган тадбирда Биринчи Президентимиз тимсолида ёшларнинг Ватанига, халқига муносиб хизмат қилишлари, давлатимизнинг ёшларга яратаётган имкониятларига муносиб бўлиб вояга етишлари лозимлиги кенг тушунтирилди.
Катта ҳаёт бўсағасида турган ёшларга таълим-тарбия бeриш барча ўқитувчиларнинг, ота-оналарнинг, кенг жамоатчиликнинг иштирокини талаб этадиган жараёндир. Шундай экан, биз соғлом фикрли, маънавиятли ёшларни тарбиялашда қўлни қўлга бeриб, биргаликда ҳаракат қилсак, фарзандларимиз ҳақидаги катта орзуларимиз албатта, амалга ошади.
Дилфуза АБДУРАҲМОНОВА, 45-сонли мактаб ўқитувчиси.
(Фото - ЎзА)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
