ШЎЪБА ЙИҒИЛИШЛАРИ: ИЛҒОР ТАЖРИБА ВА МАҲОРАТ МАКТАБИ
Ҳар йили бутун мамлакатимиз бўйлаб мустақиллик байрами арафасида ўқитувчиларнинг анъанавий Август кенгашлари бўлиб ўтади. Юксак маҳорат, тажриба, энг замонавий инновациялар мактаби вазифасини ўтовчи ушбу тадбир олдидан ўтказиладиган шўъба йиғилишларида мактаб таълими ва педагоглар олдида турган муҳим вазифалар белгилаб олинади.
Анъанавий Август кенгаши арафасидаги шўъба йиғилишлари 18 август куни 16-, 40-, 31- ва 76-сонли мактабларда ўтказилди ва бу йиғилишларда 2500 нафар ўқитувчилар иштирок этишди.
Шўъба йиғилиши бошланишдан сал олдин 16-сонли умумтаълим мактабига кириб борар эканмиз, бу ўқув масканида ушбу тадбирни ўтказишга қизғин тайёргарлик кўрилганига гувоҳ бўлдик. Аниқ фанлар йўналиши бўйича ихтисослаштирилган мактабнинг ҳар бир синфхонаси, лаборатория ва махсус фан хоналаридан тортиб, спорт зали, фанлар бўйича тўгарак ишлари ва машғулотлар олиб бориладиган хоналар замон талабларига мос равишда жиҳозлангани иштирокчилар эътиборидан четда қолмади.
Бўлиб ўтган шўъба йиғилишларида ўқитувчилар Ўзбекистон Республикаси Вазирлар Маҳкамасининг 2017 йил 6 апрелдаги "Умумий ўрта ва ўрта махсус, касб-ҳунар таълимининг давлат таълим стандартларини тасдиқлаш тўғрисида”ги 187-сонли ва 15 мартдаги "Умумий ўрта таълим тўғрисидаги Низомни тасдиқлаш ҳақида”ги 140-сонли қарорларининг мазмун-моҳияти билан танишдилар. Шунингдек, компетенциявий ёндашувга асосланган давлат таълим стандартлари ва ўқув дастурларини амалиётга самарали жорий этиш юзасидан тавсиялар олдилар. Ўқитувчилар эришаётган илғор тажрибаларни намойиш этиш ва оммалаштириш, билимлар беллашуви ҳамда фан олимпиадаси натижалари таҳлили юзасидан иштирокчиларнинг фикр-мулоҳазалари умумлаштирилди. 11 йиллик умумий ўрта таълимга ўтилиши муносабати билан умумий ўрта таълим муассасалари раҳбарлари ва педагоглари олдида турган вазифалар белгилаб олинди.
"Ўрган-ўргат” тамойили асосида ўтган шўъба йиғилишлари иштирокчи ўқитувчи-мураббийлар учун ҳақиқий тажриба ва маҳорат мактабига айланиб кетди.
Р.ЙЎЛДОШЕВА.
(Фото - http://zarnews.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
