Конституция куни муносабати билан маънавият дарслари ўтказилди
Умумтаълим мактабларида ўқувчиларнинг маънавиятини юксалтириш, онгу-тафаккурини бойитиш, дунёқарашини кенгайтириш учун мунтазам равишда турли мавзуларда маънавият дарслари ўтказилиб борилади.
Конституциямизнинг 27 йиллиги муносабати билан 36-сонли мактабда ҳам навбатдаги маънавият дарслари ташкиллаштирилди. Унда Бош қомусимиз ва қонунларнинг мазмун-моҳиятини ўқувчилар онгига сингдириш, уларнинг ҳуқуқий саводхонлиги, маданиятини ошириш мақсадлари кўзланди.
Мактабнинг бошланғич синф ўқитувчиси Сарагул Юсупова ҳам ўзи дарс бераётган 2-“Б”синфда маънавият дарсини ўтказди. Дарсни ўқувчилар Ўзбекистон Республикаси Давлат Мадҳияси билан бошлашди. Шундан сўнг, Сарагул Юсупова ўқувчиларни юртимиз тараққиёти, тинч ва фаровон кунларимиз пойдевори бўлган асосий қонунимиз – Конституциямиз қабул қилинганлигининг 27 йиллиги билан қизғин қутлади. Бош Қомусимиз – бу истиқлол ва мустақил Ўзбекистон рамзи, ғурур-ифтихори, шу заминда истиқомат қилаётган, миллати, дини, ирқи ва тилидан қатъий назар, барча учун мустаҳкам ҳимоя, фуқаролик жамияти истиқболини белгилаб берувчи дастуриламал ҳужжат эканлигини кенг тушунтирди. Шунингдек, ўқувчиларга яқин кунлар ичида бўлиб ўтадиган муҳим ижтимоий-сиёсий жараён – сайловлар, партиялар, кўрсатилаётган номзодлар, фуқароларнинг ҳуқуқ ва бурчлари хусусида ҳам маълумот бериб ўтди. Дарс давомида ўқувчилар Ватан ҳақида мақоллар, шеърлар айтиб бердилар.
Конституция куни муносабати билан ўтказилган маънавият дарси ўқувчиларга жуда манзур бўлди.
Нигора Бозорбоева, 36-сонли мактаб ёшлар етакчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
