ЎТГАН УЧ ОЙНИНГ ҲИКМАТЛИ ХУЛОСАЛАPИ…
Карантин даври воқеалари сабабли бўлса керак, шу уч ой давомида кўп ўйланадиган бўлиб қолдим. Пандемия билан курашаётган бир пайтда Бухорога кучли шамол кириб келиши, Сардобада тўғон бузилиши, қўшни ва хорижий мамлакатлардаги вазиятлар... одамга таъсир кўрсатмай қолмас экан.
Pости, ўзимни анча улғайгандек ҳис қилдим. Энди тарихнинг мангу саҳифаларига уруш даври қаҳрамонликлари қаторида айни кунлардаги халқимизнинг жасоратлари ҳам ёзилади. Одамлардан инсоф кўтарилганлиги ҳақиқатдан узоқ экан. Қаранг, кўп миллатли халқимиз бир инсонга айланди. Ўзбекистон инсонпарвар эканлигини янги асрда буюк ишлари билан яна бир бор исботлади.
Бир кун кутилмаганда болаларим сўрашди: биз нега уйдамиз, мактабга бормаяпмиз, тождор вирус нима? Улар ҳам доимий ҳаётларини соғинишган. Гоҳида зерикарли туюлгувчи синфхоналарининг қадрини сезган бўлсалар керак. Имкон қадар саволларига оддий тилда тушунарли жавоб беришга ҳаракат қилдим. Ҳозирги болалар алданишмайди. Умуман, алдашнинг ўзи хато. Фан-техника, ахборот асри ёшлари ҳар ишнинг сабабини билишни исташади. Фарзандларимнинг бефарқ эмасликларидан қувондим.
Бу давр ичида ихчамгина оилавий кутубхонамиздаги ажойиб китоблар дунёсига сайр қилдик. Фарзандларим билан биргаликда ўқиб ўргандик. Илмий китоблар, энциклопедиялар, бадиий адабиёт энг яқин дўстларимдан бири. Бу жавоҳирлар онлайн дарсларни ўтишимда анча ёрдам берди.
Томорқамизга ҳам ҳар йилгидан кўпроқ ишлов бердик. Тупроққа берилган меҳр яшилликлар билан кўринаркан. Aйни кунларда помидор, бодринг каби экинларимизнинг илк ҳосилидан баҳраманд бўляпмиз. Қовунларимиз ҳосил туга бошлади. Aтиргул, наъматак каби гулларнинг чиройи кўзимизни қувнатади. Бу гўзалликлар ҳаммаси меҳнатларимиз маҳсулидир.
Яратган Эгам синовлари ила кўп ҳикматларини англатяпти...
Ҳар биримиз уйда қолиб, синовли кунлар ортда қолишини сабр билан кутайлик!
Дилнура Бобониёзова,
36-сонли мактаб ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
