Спортчи қизларга – Президент совғалари
Бугунги обод ва фаравон ҳаётимиз, Ўзбекистонимизнинг жаҳон майдонида муносиб обрў топишида энг асосий омил - бу ҳам жисмоний, ҳам маънавий жиҳатдан соғлом, ҳеч кимдан кам бўлмасдан, бошини баланд кўтариб яшайдиган баркамол авлодимиздир.
Соғлом боланинг дунёга келиши, бақувват бўлиб ўсиб-улғайиши кўпгина талаб ва омилларга боғлиқ. Улар орасида шундай ўта муҳим, ҳал қилувчи мезон борки, у ҳам бўлса боланинг жисмонан соғломлигидир. Жисмоний жиҳатдан соғломликка эса спорт билан шуғулланмасдан эришиш мумкин эмас. Шуни ҳисобга олган ҳолда мамлакатимизда истиқлолнинг илк йилларидан бошлаб спортни, айниқса болалар спортини ривожлантиришга катта эътибор қаратилмоқда.
Хусусан, хотин-қизлар спортини ривожлантиришга алоҳида ғамхўрлик кўрсатилаётгани қизларимизнинг соғлом бўлиб улғайиши ва келгусида баркамол авлод дунёга келишининг кафолатидир.
Бир неча йилдан бери мамлакатимизнинг барча шаҳар ва туманларида спорт билан шуғулланаётган умумтаълим мактаблари, академик лицей ва касб-ҳунар коллежларининг 6 ёшдан 18 ёшгача бўлган ўқувчи-қизларига Президент совғалари – спорт кийимлари топширилаётгани ҳам ана шундай ғамхўрликнинг амалдаги яна бир ёрқин ифодасидир.
Бу йил ҳам бу эзга иш давом эттирилиб, туманимиздаги таълим муассасаларида таҳсил олаётган 1059 нафар қизларимизга муҳтарам Президентимизнинг совғаси - спорт кийимлари тантанали равишда топширилди.
5 май куни Амударё академик лицейининг теннис кортида шу масалага бағишланган тадбир ўтказилди.
Тадбирда туман ҳокимининг биринчи ўринбосари Ф.Садуллаев, 28-сонли мактабнинг спорт мураббийси Г. Қаландарова, Амударё академик лицейи ўқувчиси Ю.Турсунбоевалар сўзга чиқиб, юксак эътибор учун Президентимизга миннатдорчилик билдирдилар.
Тантанали
тадбирда Қорақалпоғистон Республикаси Ички ишлар вазири Қурол Бердиев иштирок
этди.
Тадбир сўнгида санъаткорлар томонидан концерт дастури намойиш қилинди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
