90 НАФАР ҚИЗЛАРГА ЎҚИШГА ТАВСИЯНОМА БЕРИЛДИ
Жорий йилнинг 23 июнида Ўзбекистон Республикаси Вазирлар Маҳкамасининг қарорига мувофиқ олий таълим муассасаларига қўшимча давлат гранти асосидаги қабул кўрсаткичлари доирасида хотин-қизларга танловда иштирок этиш учун тавсиянома бериш ва уларни ўқишга қабул қилишни ташкил этиш тартиби тўғрисидаги Низом тасдиқланган эди.
Мамлакатимизда кам таъминланган ҳамда ота-онасининг иккиси ҳам ишсиз оилаларда, шунингдек тўлиқсиз, оилаларда тарбияланаётган қизларни қўллаб-қувватлаш ва уларнинг олий таълим олишига, ўзи истаган мутахассислигини эгаллаб, ҳаётда ўз ўринни топишига катта эътибор қаратилмоқда. Вазирлар Маҳкамасининг махсус қарори билан тасдиқланган Низомга кўра, тавсиянома кам таъминланган оиладан чиққан, тўлиқсиз оилада тарбияланаётган, 14 ёшгача бўлган икки ёки ундан ортиқ фарзандларни тарбиялаётган оилалар қизлари, бошқа қариндошларидан алоҳида яшаётган ёлғиз аёл ёки эркакларнинг қизлари, шахсий уй-жойига эга бўлмаган ижарада яшаётган оилалар, ота-оналаридан бири ёки ҳар иккиси ишсиз бўлган ва иш қидирувчи шахс сифатида Аҳоли бандлигига кўмаклашиш марказларида ҳисобда турганлар оилалари қизлари, шунингдек, ногиронлиги бўлган фарзанди бор оилалардан чиққан хотин-қизлар ушбу тавсияномани олишлари мумкин.
Ҳар йили хотин-қизларга бунингдек тавсияномаларни бериш бўйича Ишчи гуруҳ тузилади. Туман ёки шаҳар Маҳалла ва оилани қўллаб-қувватлаш бўлимлари тавсиянома олиш мақсадида мурожаат этган хотин-қизларнинг ҳужжатларини ҳар йили 10 майга қадар Қорақалпоғистон Республикаси Маҳалла ва оилани қўллаб-қувватлаш вазирлигига, вилоятлар бошқармаларига тақдим этади.
Ишчи гуруҳ томонидан туманларда саралаб олиниб, қўшимча қабул кўрсаткичлари учун танловда иштирок этишга тавсия этилган хотин-қизларнинг рўйхати ҳар йили 15 июнга қадар шакллантирилиб, Давлат тест марказига тақдим этилади.
Амударё туманида ушбу қарор ижросини таъминлаш мақсадида Маҳалла ва оилани қўллаб-қувватлаш бўлимида туман ҳокими ўринбосари, Маҳалла ва оилани қўллаб-қувватлаш бўлими бошлиғи Алишер Юлдашев раҳбарлигида Ишчи гуруҳи тузилди. Унинг таркибига туман Иқтисодий тараққиёт ва камбағалликни қисқартириш, молия, Адлия бўлимлари бошлиқлари, Тиббиёт бирлашмаси, Халқ таълими ва Мактабгача таълим, Ички ишлар бўлимлари раҳбарлари, Ёшлар иттифоқи туман Кенгаши раиси, туман Маҳалла ва оилани қўллаб-қувватлаш бўлими бошлиғининг биринчи ўринбосари гуруҳ аъзолигига киритилди.
Ишчи гуруҳига жорий йилнинг 24 июнь – 10 июль кунлари туман бўйича тавсиянома олишни сўраб 184 нафар хотин-қизлар мурожаат этишди. Улардан Низом талабларига мувофиқ тегишли ҳужжатлар қабул қилиб олинди.
Ишчи гуруҳи томонидан хотин-қизлар томонидан тақдим этилган ҳужжатлар ўрнатилган тартибда бирма-бир батафсил ўрганилди, белгиланган мезонларга мос келиши таҳлил этилди, олий таълим муассасаларига қўшимча давлат гранти асосида қабул кўрсаткичлари доирасида танловда иштирок этиш учун тавсиянома олишга ҳужжат топширган номзодларнинг ҳужжатлари батафсил ўрганилди. Натижада жорий йилнинг 15 июль куни 90 нафар хотин-қизларга олий таълим муассасаларига қўшимча давлат гранти асосидаги қабул кўрсаткичлари доирасида танловда иштирок этиш учун тавсиянома берилди.
Тадбирда туман ҳокими ўринбосари, Маҳалла ва оилани қўллаб-қувватлаш бўлими бошлиғи Алишер Юлдашев, бўлим бошлиғининг биринчи ўринбосари Муқаддас Бекназарова, туман Ички ишлар бўлими бошлиғи Улуғбек Худайберганов, туман Халқ таълими бўлими бошлиғи вазифасини вақтинча бажарувчи Рахматилла Матқурбанов, туман Молия бўлими ходими Абдулла Раҳимов, туман Мактабгача таълим бўлими ходими Ибрагим Ражаповлар иштирок этишди. Тавсиянома олган қизлар ўзларига олий таълим олишлари учун яратилаётган бу имкониятдан жуда мамнун эканликларини изҳор этишди.
Ойгул РАЖАБОВА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
