Масъулият – муваффакият гаровидир
2014 йил 14 апрель куни Дўрман қишлоқ хўжалик касб-ҳунар коллежида туман прокурори Ф.Аллаберганов миллий хавфсизлик хизмати ходими ҳамда прокурор катта ёрдамчиси Расул Холмуродов, туман хотин-қизлар қўмитаси раиси М.Аҳмедовалар билан учрашув ўтказилди. Шу куни улар коллеж ўқувчи-ёшларига 10 та компьютер совға қилдилар.
Туман прокурори Ф.Аллаберганов"Таълим тўғрисида”ги Қонуннинг 3-моддасига тўхталиб, 12 йиллик таълимнинг узлуксизлиги, изчиллиги, шунингдек умумий ўрта ва ўрта махсус таълимнинг мажбурий ва бепул таълим эканлиги ҳақида ўқувчиларга тушунча берди.
Тадбирда Ўзбекистон Республикаси Маъмурий жавобгарлик тўғрисидаги Кодексининг 47-моддасига мувофиқ "Болаларнинг мажбурий умумий ўрта таълим, ўрта махсус касб-ҳунар таълим олишларига ота-оналар ёки уларнинг ўрнини босувчи шахслар томонидан тўсқинлик қилиши энг кам иш ҳақи ҳисобида жарима солиш” жазоси билан жазоланиши коллежда таълим олаётган ўғил-қизи бор ота-оналар зиммасига ўта жиддий масъулият юклаши ҳақида ўқувчи-ёшларга тушунтиришлар берилди. Тадбирда иштирок этган ота-оналар туман прокурори Ф.Аллабергановга ўзларини қизиқтирган саволлар билан мурожаат қилдилар ва қониқарли жавоблар олиб, мамнун бўлдилар.
Бугунги ўқувчи-ёшлар – юртимизнинг эртанги куни эгалари. Уларнинг ҳар жиҳатдан етук ва билимдон инсон бўлиб вояга етишлари учун эса мамлакатимизда зарур қонуний асослар яратилган. Бас, шундай экан, азиз ота-оналар, фарзандларингиз ўз вақтида таълим олишлари учун бефарқ бўлманг. Уларга имкон қадар шароит яратиб беринг. Масъулиятингизни ҳис қилинг. Фарзандингиз юрт келажаги, демак, сизнинг ҳам келажагингиз. Фарзанд сизнинг ишончингиз, таянчингиз, керак бўлса, ғурурингиз эканлигини унутманг. Масъулият – барча муваффақиятлар гаровидир.
Х.Давлетова,
Дўрман қишлоқ хўжалик касб-ҳунар коллежи ҳуқуқий маслаҳатчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
