БОБУР ҚАЛБИМИЗДА МАНГУ ЯШАЙДИ

Келтурса юз балони ўшал бевафо манга,
Кел сен,агар юзумни эвурсам бало манга.

Ҳа бу албатта Бобур ижодидан. Бобурнинг нозик таъби мусиқага булган қизиқишини ҳамма билса керак. Бошқа адиб шоирлар баҳор фаслини яхши курса, бу шоир куз фаслини яхши кўрган, куз фаслида дарахтдан тўкилган ҳар бир баргнинг, унинг шитирлаган овозидан куй яратган.

Заҳириддин Муҳаммад Бобур бизга адабий ва бой мерос қолдирган, адиб шоир олим ва бу билан бирга йирик давлат арбоби саркарда ҳамдир. Заҳириддин Муҳаммад Бобур бобомиз ҳақида қанча ёзсам кам,унинг шеърларини ғазалларини варақлаганимда шоирнинг ҳар нафасимизда уйғоқ эканини дилдан ҳис қиламан.

Заҳириддин Муҳаммад Бобур кенг дунёқараши ва мукаммал ақл-заковати билан Ҳиндистонда Бобурийлар сулоласига асос солиб,бу мамлакат тарихида давлат арбоби сифатида номи қолган бўлса,сержило ўзбек тилида ёзилган "Бобурнома "асари билан жаҳоннинг машҳур тарихнавис олимлари қаторидан ҳам жой олди.

Унинг нафис ғазал ва рубоийлари туркий шеъриятининг энг нодир дурдоналари бўлиб, “Мубаййин”, “Хатти Бобурий”, “Ҳарб иши” аруз ҳақидаги рисоласи эса ислом қонуншунослиги, шеърият ва тил назарияси соҳаларига муносиб ҳисса бўлиб қўшилди.

Бобур шаҳарларни таърифлабгина қолмасдан ўзи шаҳарларда боғлар яратишга, турли хил мадрасалар, жомъе масжидлар қасрлар қуришга ҳам катта ҳисса қўшган ва бизга ундан адабий ва бой мерос қолган.

Биз Навоий, Бобурийлар авлодимиз,тарихсиз келажакни тасаввур қилиб бўлмаганидек, биз ҳам келажагимизни Навоий бобомиз, Бобур бобомизнинг шеъру ғазалларисиз тасаввур қилолмаймиз. Унинг ғазаллари беихтиёр ёдимизга келиб бизни, унинг китобларини варақлашга ундайди. Мен шу ерда демоқчиманки:

Умрлар бор тирикликда ўликдир,умрлар бор мангуликка тирикдир.

Дарҳақиқат, ҳар бир инсон қанча яшагани билан эмас, қандай яшагани билан қадрланар, эъзозланар экан.

62-сонли мактаб бошланғич синф ўқитувчиси Баҳор Арикова.