Қабул - 2014
Қорақалпоғистон Республикаси Вазирлар Кенгашининг ўрта махсус касб-ҳунар таълими бошқармасининг "2014-2015 ўқув йилида ўрта махсус касб-ҳунар таълими муассасаларига умумий ўрта таълим мактабларининг 9-синф битирувчиларини қамраб олиш тўғрисида”ги 2014 йил 2 мартдаги 02-663 сонли буйруғи ижросини таъминлаш мақсадида туманимиздаги Амударё хизмат кўрсатиш ва сервис касб-ҳунар коллежида ташкил этилган "Маслаҳат маркази”да ишлар қизғин кетмоқда.
Коллежда тугалланган ўқув йилида 8 та касб-ҳунар йўналишида 703 нафар ўқувчилар таҳсил олган бўлсалар, 2014-2015 ўқув йили учун 180 нафар ўқувчи қабул қилиш режалаштирилган. 5 кишилик таркибда фаолият олиб бораётган коллеж "Маслаҳат маркази” томонидан умумтаълим мактаблари 9-синф битирувчилари билан касб танлаш бўйича турли тадбирлар ўтказилди. Коллеждаги мавжуд йўналишлар ва касблар тўғрисида ўқувчиларга ва ота-оналарга кенг тушунчалар берилиб, таълим муассасасига оид буклет тайёрлади ва умумтаълим мактаблари битирувчиларига тарқатилди.
"Маслаҳат маркази” коллежнинг энг кўзга кўринарли жойида ташкил этилган бўлиб, бу ерда бўлган ўқувчи ё ота-она мазкур муассасадаги йўналишлар, шароитлар, ўқувчиларга яратилаётган имкониятлар ҳақида тўлиқ тасаввурга эга бўла олади.
Марказда коллежга кириб ўқиш истагида бўлган йигит-қизларнинг ҳужжатларини қабул қилиш ишлари бошланиб кетди. Бу борада кенг тарғибот-ташвиқот ишлари олиб борилишидан кўзланган мақсад ўқувчиларнинг бирор йўналишни тасодифий танлашига эмас, у ҳақдаги барча маълумотларни билгани ҳолда, сидқидилдан ихлос қўйиб танлашига эришишдир. Чунки инсоннинг ҳаёти мазмунли, бахтли-саодатли бўлишида танлаган касбимиз муҳим аҳамиятга эга.
М.Нурекеев,
Амударё хизмат кўрсатиш ва сервис касб-ҳунар коллежи директори, коллеж "Маслаҳат маркази” раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
