АЁЛ ХОТИРЖАМ ЯШАСА...
Жамиятда хотин-қизларнинг мавқеини янада ошириш, гендер тенглигини таъминлаш, ўзлари қизиққан соҳалар бўйича шуғулланишлари учун зарур шарт-шароитлар яратиш, қобилият ва иқтидорларини юзага чиқаришлари учун кўмаклашиш орқали уларнинг фаоллигини ошириш – бугунги кунда давлатимиз сиёсатининг энг устувор йўналишларидан бирига айланган. Зеро, аёл тинч, бахтиёр бўлган жамият равнақ топади, гуллаб-яшнайди.
Бизнинг Куюк кўпир овулимиз ҳудудида 910 та хонадон таркибидаги 1021 та оилада 5000 нафардан зиёд аҳоли истиқомат қилади. Уларнинг ҳаётдан рози яшашлари учун зарур шарт-шароит ва имкониятлар яратиш, ижтимоий-сиёсий ҳаётдаги фаоллигини ошириш, муаммоларини ҳал этишга кўмаклашиш орқали бандлигини таъминлаш мақсадида кенг қамровли тушунтириш-тарғибот ишлари олиб борилмоқда.
Ўрганишлар натижасида 42 нафар хотин-қиз “Аёллар дафтари”га, 157 нафари “Ёшлар дафтари”га, 17 нафари эса “Темир дафтар” рўйхатига киритилди.
Олиб борилган амалий ишлар натижасида ижтимоий ҳимояга муҳтож 13 нафар хотин-қизнинг ўзини-ўзи банд қилиш тамойили асосида бандлиги таъминланди.
Пандемия даврида боқувчисини йўқотган 3 нафар аёлга 1 бошдан қорамол берилиб, 6 та оиладаги кам таъминланган аёл-қизларнинг даромадини ошириш мақсадида давлат дастурида белгиланган ижтимоий ҳимоя маблағлари ҳисобидан субсидия берилиб, 1 сотихлик иссиқхона қуриб берилди. 17 нафар ишсиз ёш хотин-қизларга эса фермер хўжаликлари ҳисобидан 1 гектардан экин майдонлари ажратиб берилди. 3 нафар ёш аёл-қизлар эса жамоат ишларига жалб этилди.
Ҳудудимизда яшовчи хотин-қизларнинг тадбиркорлик билан шуғулланишлари, ўз бизнесини йўлга қўйишларини рағбатлантириш мақсадида кўргазмали ўқув-семинарлар ташкил этилиб, банк кредитлари олишлари, олинган пул маблағларидан мақсадли фойдаланишларига қаратилган тарғибот-тушунтириш ишларини амалга оширмоқдамиз. Мақсадимиз, овулимиз аёл-қизларининг ҳаётдан ўз ўринларини топиб, бахтиёр яшашларини таъминлашдир.
Туманимизнинг барча дилбар аёл-қизларини, мўътабар онахонларимизни 8 март – Халқаро хотин-қизлар айёми билан табриклайман ва соғлик, хотиржамлик тилайман.
Тамара КАРИМОВА,
Куюк кўпир ОФЙ раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
