ҲУДУДИЙ ЙИҒМА КОМАНДАНИНГ ФАВҚУЛОДДА ВАЗИЯТЛАРГА ДОИМИЙ ШАЙЛИГИНИ ТАЪМИНЛАШ МАҚСАДИДА ЎҚУВ МАШҒУЛОТИ ТАШКИЛ ЭТИЛДИ
Юртимизда яқин кунлар ичида бўлиб ўтадиган Президент сайловига тайёргарлик кўриш ва уни ўтказиш давомида юзага келиши мумкин бўлган фавқулодда вазиятлар, яъни ёнғин ва шу каби бошқа ҳодисаларнинг олдини олиш учун ҳудудий йиғма команда куч ва воситаларининг доимий шайлигини, тайёргарлигини таъминлаш мақсадида ўқув машғулоти ўтказилди.
Шу йил 14 октябрь куни бўлиб ўтган ушбу тадбир Қорақалпоғистон Республикаси Вазирлар Кенгаши Раиси – Фуқаро муҳофазаси бошлиғининг тегишли буйруғига асосан туман Фавқулодда вазиятлар бўлими томонидан тегишли давлат органлари ва ташкилотлар билан ҳамкорликда ташкил этилди. Аҳоли хавфсизлигини таъминлаш бўйича ҳудудий йиғма командасига тумандаги 16 та ташкилотдан 19 та турли русумдаги махсус ва муҳандислик техникалари, 80 нафар шахсий таркиб жалб этилди. Тадбир бошланишида “Йиғин” сигнали бериш орқали ҳудудий йиғма команданинг куч ва воситалари шайлиги, уларни белгиланган жойга етиб келишлари тайёргарликдан ўтказилди.
“Йиғин” сигнали соат 09:30 да берилганидан сўнг, тумандаги тегишли ташкилот ва корхоналардан 9 та юк машинаси ва бошқа техникалар, 46 нафар шахсий таркиб соат 10:40 да, яъни 1 соату 10 дақиқада етиб келиб, туман ҳокимлиги олдидаги автотураргоҳга сафланди.
Шундан сўнг, “Саф кўриги”ни ўтказиш орқали йиғма команда таркибидаги куч ва воситаларнинг, шахсий таркибнинг махсус кийим бош, шахсий ҳимоя воситалари ва асбоб-анжомлар билан таъминланганлиги, техникаларнинг техник ҳолати, уларнинг фавқулодда вазиятларда ҳаракат қилишга тайёрлик даражаси текшириб кўрилди. Шахсий таркиб ва техникалар назоратдан ўтказилганида, йиғма команда таркибида таъмирлаш звеноси ташкил этилмаганлиги аниқланди. Шунингдек, йиғма команда таркибида водавоз, автокран муҳандислик техникалари мавжуд бўлса ҳам саф кўригига қатнашмаганлиги маълум бўлди.
Тадбир давомида жамланган техникаларнинг созлиги, техникаларнинг тегишлилиги бўйича ҳужжатлари, йўл варақлари ва ўз вақтида белгиланган манзилга етиб келиши кабилар ҳам текширувдан ўтказилди. Гуруҳлар ва звенолар шахсий таркибининг функционал вазифаларини билиш даражаси тўғридан-тўғри оғзаки савол-жавоблар орқали ўрганилди. Ўрганишлар давомида жамланган шахсий таркибнинг 65 фоизи функционал вазифаларини билиши аниқланди.
Ундан ташқари, саф кўриги давомида туман ҳокимлиги раҳбарияти, йиғма команда командири ҳамда команда таркибига киритилган корхона ва ташкилотлар раҳбарларига шахсий таркибни тегишли Низом талабларидан келиб чиққан ҳолда махсус кийим бош, шахсий ҳимоя воситалари, асбоб-анжомлар ва ускуналар билан етарли даражада таъминлаш юзасидан кўрсатмалар ва тушунчалар берилди.
Шунингдек, йиғма команданинг фуқаро муҳофазаси тузилмалари ва улар тузиладиган ташкилотларни белгилаш тартиби тўғрисидаги Низомнинг 2-иловасига мувофиқ куч ва воситалар билан жамланганлиги ҳолати ҳам ўрганилди. Ўрганиш давомида йиғма командани ташкил этишда намунавий ташкилий-штат структурасига риоя этилмаганлиги аниқланди.
Ўқув машғулот тадбири якунида туман Фуқаро муҳофазаси ҳудудий йиғма командаси куч ва воситалари ҳудудда юзага келиши мумкин бўлган фавқулодда вазиятларнинг олдини олиш ва оқибатларини бартараф этишга чекланган тайёр деб баҳоланди.
Ғ.Ўралов, туман ФВБ бошлиғи ўринбосари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
